Palacio de Westminster

Palacio de Westminster
Tipo	edificio parlamentario
Parte de	Palacio de Westminster, Abadía de Westminster e Igrexa de Santa Margarida
Estilo	arquitectura gótica inglesa, Gótico perpendicular e arquitectura neogótica
Localización
51°29′58″N 0°07′27″O / 51.4994, -0.1242
Estado	Reino Unido
País	Inglaterra
Rexións	Londres
Condado cerimonial	Gran Londres
Borough	Cidade de Westminster
Construción
Fundación	sen valor
Inauguración	1342
Dimensións
Superficie	10 ha
Implicados
Arquitecto(s)	Charles Barry e Augustus Pugin
Patrimonio cultural
Monumento clasificado como grao I
Data	5 de febreiro de 1970
Identificador	1226284
Composto por
Big Ben, Salón Westminster e Capela de Santo Estevo
Na rede
parliament.uk…
[ Wikidata ]

O Palacio de Westminster é o lugar no que se reúnen as dúas cámaras do Parlamento do Reino Unido (a Cámara dos Lores e a Cámara dos Comúns). O palacio atópase situado na beira norte do río Támese en Westminster en Londres, preto doutros edificios gobernamentais en Whitehall. O palacio serviu inicialmente como residencia real, a pesar de que ningún monarca viviu nel dende o século XVI. A maior parte da estrutura actual data do século XIX, data na que o palacio foi reconstruído logo dun incendio en 1834 que destruíu a maior parte do edificio. Os arquitectos responsables da reconstrución do palacio foron Sir Charles Barry e Augustus Pugin. O edificio é un exemplo do estilo neogótico. Unha das características máis senlleiras do palacio é a torre do reloxo, unha atracción turística que aloxa a campá chamada Big Ben, nome asignado erroneamente ao reloxo da torre.

O palacio contén máis de mil habitacións, sendo as máis importantes as correspondentes aos Salóns da Cámara dos Lores e a Cámara dos Comúns. O palacio tamén inclúe salas de reunión, bibliotecas, corredores, comedores, bares e ximnasios. É o lugar onde se realizan importantes cerimonias de estado, das cales a máis importante é a Cerimonia de apertura do Parlamento. O palacio está moi asociado coas dúas Cámaras, tal como o demostran o emprego da palabra "Westminster" para referirse ao "Parlamento". As oficinas dos parlamentarios atópanse en edificios próximos, tales como a Casa Portcullis e os Edificios Norman Shaw.