Panay

Panay

Tipo	illa
Parte de	Visayas
Situado na entidade xeográfica	Visayas
Localización
Continente	Asia
División administrativa	Visayas Occidental, Filipinas
11°12′N 122°30′L / 11.2, 122.5
Bañado por	Mar de Sulu, Mar de Visayas e Mar de Sibuyan (pt)
Características
Altitude	2.049 m
Punto máis alto	Mount Madia-as (en)
Superficie	12.011 km²

Panay é unha illa filipina do arquipélago das Visayas. Ten 11.514 km². Distínguense na mesma tres rexións: a occidental, con montañas de ata 2.180 m; a chaira central, percorrida polos ríos Sibalom, Jaro e Jalaud; e os outeiros do leste.

As principais cidades son Iloilo e Roxas. A súa economía baséase no sector primario: azucre, arroz, pesca. Tamén se explotan as selvas (ébano) e extráense cobre, carbón, manganeso, cromo e mercurio.

O nome da illa foi dado polos Estados Unidos de América a algúns dos seus barcos, o máis coñecido foi o USS Panay, lancha canoneira do río Yang-Tse-Kiang, que as tropas xaponesas ametrallaron ata afundilo, en decembro de 1937, durante o saqueo de Nanjing. O incidente do Panay provocou por milagre só dous mortos nas numerosas persoas de orixe occidental que se refuxiaran a bordo, fuxindo das tropas xaponesas. Todo o acontecemento foi filmado ao longo por correspondentes de guerra de varios países que estaban a bordo. Un mes despois, as películas difundidas nos Estados Unidos durante o período das festas de fin de ano provocaron a ira do pobo e numerosas manifestacións esixindo unha reaccion enérxica do goberno. Roosevelt ameazou con declarar a guerra ao Imperio do Xapón, pero o goberno nipón, ao seu pesar, escusouse abundamente do "erro" dos seus soldados e pagou unha gran multa aos americanos.