Paralaxe

A paralaxe é a desviación angular da posición aparente dun obxecto, dependendo do punto de vista elixido.^[1]

A paralaxe anual é definida como a diferenza de posición dunha estrela vista da Terra e do Sol. Como non podemos ver a estrela do Sol, a observación é feita entre dous puntos opostos da órbita da Terra e o resultado dividido por 2. O parsec é a distancia para a cal a paralaxe anual é dun segundo de arco ou arcseg. Un parsec é igual a 3,26 anos luz.

A distancia dun obxecto en parsecs pode ser calculada do inverso da súa paralaxe. Por exemplo, a estrela mais próxima Alpha Centauri, ten unha paralaxe de 0.750". Por tanto ela esta a unha distancia de 1/0.750=1.33 parsecs ou aproximadamente 4.3 anos luz.

A paralaxe fotográfica ou erro de paralaxe é o desaxuste existente entre o observado a través do visor e o captado polo obxectivo da cámara.^[2] Non se da en cámaras dixitais e réflex. No primeiro tipo, o visor é unha pantalla que capta exactamente o mesmo que o obxectivo, e nas réflex a paralaxe corríxese mediante un sistema de espellos. Este erro de paralaxe dase entón exclusivamente en cámaras compactas con visor directo.^[3]

1. ↑ "Dicionario-Portada - Real Academia Galega". academia.gal. Consultado o 2016-11-08. 
2. ↑ "Paralaje - Glosario de Fotografia Digital | DeCamaras". www.decamaras.com. Consultado o 2016-11-08. 
3. ↑ "Error de paralaje fotográfico". 3lentes.com. 2015-08-19. Arquivado dende o orixinal o 09 de novembro de 2016. Consultado o 2016-11-08.