Parsifal

Parsifal
Cartel da estrea en 1882.
Forma	Bühnenweihfestspiel ou festival sacro para a escena
Actos e escenas	3 actos
Idioma orixinal do libreto	Alemán
Libretista	Richard Wagner
Fontes literarias	Os poemas Parsifal e Titurel de Wolfram von Eschenbach
Estrea	26 de xullo de 1882
Teatro da estrea	Festspielhaus
Lugar da estrea	Bayreuth
Duración	4 horas 30 minutos
Música
Compositor	Richard Wagner
Personaxes
Amfortas (barítono baixo) Titurel (baixo) Gurnemanz (baixo) Kligsor (baixo) Dous cabaleiros (tenor e baixo) Seis doncellas-flores (sopranos) Parsifal (tenor heroico) Kundry (mezzosoprano ou soprano dramática) Catro paxes (2 tenores e 2 sopranos)[1]

Parsifal é unha ópera en tres actos con música de libreto en alemán de Richard Wagner. O propio compositor a cualificou de «Festival Escénico Sacro». Esta ópera está baseada no poema épico medieval (do século XIII) Parzival de Wolfram von Eschenbach, sobre a vida deste cabaleiro da corte do Rei Artur e a súa procura do Santo Graal. Wagner concibiu a obra en abril de 1857 mais só a completou 25 anos despois, estreándose en Bayreuth o 26 de xullo de 1882 (á estrea asistiron, entre outros, Vincent d'Indy e Ernest Chausson).

Wagner outorgoulle ao Festival de Bayreuth o monopolio absoluto das representacións de Parsifal durante os 30 anos posteriores á súa morte (ata 1913, incluído). Con todo, en 1903 o Metropolitan Opera de Nova York saltouse esta restrición e representou a ópera. En 1914 comezaron as representacións "legais" fóra de Bayereuth: o 1 de xaneiro programouse en numerosos teatros. O primeiro teatro en representala foi o Gran Teatre del Liceu de Barcelona, que comezou a representación ás 22 horas do día 31 de decembro de 1913, co permiso da familia Wagner, xa que, a consecuencia da diferenza horaria, esta hora correspondía coa media noite en Bayreuth.

1. ↑ Martín Triana, José María (1992). El libro de la ópera (en castelán) (2.ª ed.). Alianza Editorial, S.A. p. 343. ISBN 84-206-0284-1.