Placa base

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde febreiro de 2016.)

A placa base (en inglés: motherboard ou mainboard) é un unha placa de circuíto impreso que conecta os diferentes elementos que contén e que é o compoñente principal do ordenador, sobre ela van conectados a maioría dos dispositivos do ordenador e das súas características derívanse as prestacións e o rendemento do ordenador. Ás veces chámase tamén placa nai.
Aínda que as placa base poden ser de diferentes formas, tipos e tamaños a estrutura xeral e os elementos que a integran son semellantes nos diferentes modelos, entre os máis comúns están o microprocesador, a memoria RAM, a memoria caché, a BIOS, a batería, o reloxo, reguladores de voltaxe, conectores internos e externos e unha serie de chips ou circuítos integrados encargados de tarefas específicas.

Deseñase basicamente para realizar tarefas específicas vitais para o funcionamento da computadora, como por exemplo as de:

• Conexión física.
• Administración, control e distribución de enerxía eléctrica.
• Comunicación de datos.
• Temporización.
• Sincronismo.
• Control e monitoreo.

Para que a placa base cumpra co seu cometido, leva instalado un software moi básico denominado BIOS.