Plutino

Os plutinos son obxectos transneptunianos que están en resonancia orbital 3:2 con Neptuno. Isto significa que efectúan dúas órbitas arredor do Sol no mesmo tempo que Neptuno realiza tres órbitas. Por este motivo, aínda que crucen a órbita do planeta xigante, esta non os pode expulsar gravitatoriamente.

Como esta característica a comparte Plutón, estes corpos denomínanse plutinos ("pequenos plutóns"), do nome en inglés do planeta anano.

Os plutinos forman a parte interior do cinto de Kuiper. Aproximadamente a cuarta parte dos obxectos coñecidos do cinto de Kuiper son plutinos.