Primal Scream

Primal Scream
Orixe	Glasgow, Escocia
Período	1982 - presente
Xénero(s)	rock, indie pop, rock alternativo, acid house, rock electrónico, rock psicodélico
Selo(s) discográfico(s)	Creation, Elevation, Columbia, Intercord, B-Unique, Sire, Reprise, Astralwerks, Epic, First International
Membros	Bobby Gillespie Andrew Innes Martin Duffy Darrin Mooney Barrie Cadogan Debbie Googe
Antigos membros	Mani Jim Beattie Paul Harte Jim Hunt Denise Johnson Duncan Mackay Tom McGurk Stuart May Henry Olsen Steve Sidelnyk Gavin Skinner Martin St. John Phillip 'Toby' Tomanov Paul Mulraney Robert "Throb" Young
Artistas relacionados	Spirea X, Adventures in Stereo, The Jesus and Mary Chain, Sky Ferreira, Felt, The Stone Roses, My Bloody Valentine, The Wake
Na rede
primalscream.net

Primal Scream é unha banda escocesa de rock alternativo formada orixinalmente en 1982 en Glasgow por Bobby Gillespie (voces) e Jim Beattie, e na actualidade baseada en Londres. Hoxe en día está composta por Gillespie, Andrew Innes (guitarra), Martin Duffy (teclados) e Darrin Mooney (batería). Barrie Cadogan xirou e gravou co grupo dende 2006 substituíndo ao guitarrista Robert "Throb" Young tras a súa saída.

A banda actuou entre 1982 e 1984, pero a súa carreira non engalou ata que Gillespie deixou o seu posto como batería en The Jesus and Mary Chain. Primal Scream tivo un papel clave na escena indie pop de finais dos anos 80, pero finalmente moveuse cara a un son distinto, collendo máis influencias psicodélicas e do garage rock, antes de incorporar elementos da música dance. O seu álbum de 1991, Screamadelica, fixo que o grupo chegase ao gran público. A pesar dos múltiples cambios na formación a banda continuou colleitando éxitos e segue xirando e gravando.