Back Procés de Burgos Catalan Burgos trials English Proceso de Burgos Spanish Burgosko prozesua Basque Procès de Burgos French
O Proceso de Burgos, tamén coñecido como o Xuízo de Burgos ou o Consello de Guerra de Burgos, foi un xuízo sumarísimo iniciado o 3 de decembro de 1970 na cidade española de Burgos contra dezaseis membros da organización armada nacionalista vasca Euskadi Ta Askatasuna (ETA) acusados dos asasinatos de tres persoas durante a ditadura do xeneral Franco. As mobilizacións populares e a presión internacional lograron que as penas de morte impostas a seis dos acusados non chegasen a ser executadas, sendo conmutadas por penas de reclusión.