Pseudocelomados

Pseudocelomados
Nematodo
Clasificación científica
Reino: Animalia (sen clasif.) Bilateria (sen clasif.): Pseudocoelomata*
Filos
Rotifera Acanthocephala Gastrotrichia Gnathostomulida Priapulida Kinorhyncha Loricifera Nematoda Nematomorpha

Os pseudocelomados (Pseudocoelomata) (do grego pseudo: falso, celoma: cavidade) tamén chamados asquelmintos (Aschelminthes) ou segundo outros autores blastocelomados (Blastoceolomata) son un conxunto de filos que teñen unha cavidade corporal distinta a da dos animais celomados, nos cales a súa orixe é mesodérmica. No caso do grupo a que nos estamos a referir a cavidade aparece entre o intestino e a parede do corpo e non está tapizada polo peritoneo polo que non constitúe un verdadeiro celoma, de aí o nome de pseudoceloma (ou pseudocele) para a cavidade e pseudocelomados para o grupo que a presenta. Este grupo de animais antigamente formaban un filo único, os asquelmintos (Aschelmintha), que incluía a todos os pseudocelomados menos os acantocéfalos pero logo se decidiu facer filos independentes para cada unha das clases que formaban o mesmo.