Back بولولان Arabic پولولان AZB Pullulan German Pullulan English Pululano Spanish پولولان Persian Pullulaani Finnish Pullulane French Pululan Croatian Pullulano Italian
| Pululano | |
|---|---|
 | |
Outros nomes E1204 | |
| Identificadores | |
| Número CAS | 9057-02-7 |
| UNII | 8ZQ0AYU1TT |
| Propiedades | |
| Fórmula molecular | (C6H12O5)n |
| Aspecto | Po branco |
| Solubilidade en auga | Soluble |
Se non se indica outra cousa, os datos están tomados en condicións estándar de 25 °C e 100 kPa. | |
O pululano[1] (tamén chamado en parte da literatura pululana[2]) é un polisacárido formado por unidades de glicosa (un glucano), que producen certos fungos. O polímero é liñal e consta de unidades de maltotriosa, polo que é un α-1,4- ;α-1,6-glucano. Os tres residuos de glicosa que forman a maltotriosa están conectados entre si por enlaces glicosídicos α-1,4, mentres que as sucesivas maltotriosas están unidas por enlaces glicosidicos α-1,6. O pululano prodúceo a partir do amidón hidrolizado por fermentación o fungo Aureobasidium pullulans, de tipo lévedo.[3]
Como é un polímero comestible practicamente sen sabor, o seu principal uso comercial é na fabricación de películas comestibles solubles e transparentes, que se utilizan en varios produtos para ter bo alento ou de hixiene bucal.[4] Úsase na produción de cápsulas para suplementos dietéticos, recubrimentos, gomas de mascar e xelatinas. Como aditivo alimentario, ten o número E E1204.[5]
O polulano é estable en solución acuosa entre os pHs 3 e 8. É doadamente soluble en auga, pero non en solventes orgánicos. As disolucións son viscosas pero sen formar xeles.[5]
Algunhas bacterias, como por exemplo Klebsiella, producen encimas que degradan o polulano chamados pululanases.
- ↑ pullulan Medical Subject Headings (MeSH) na Biblioteca Nacional de Medicina dos EUA.
- ↑ Consultar as voces pululano e pululana en Google Scholar en portugués e castelán, por exemplo.
- ↑ West, Thomas P. (2012-09-23). "Pullulan Production by Aureobasidium pullulans ATCC 201253 Cells Adsorbed onto Cellulose Anion and Cation Exchangers". ISRN Microbiology (en inglés) 2012: 1–4. ISSN 2090-7486. PMC 3664200. PMID 23762749. doi:10.5402/2012/140951.
- ↑ Characteristics of pullulan based edible films Arquivado 06 de novembro de 2004 en Wayback Machine. (abstract)
- ↑ 5,0 5,1 Pullulan