Quinina

Quinina
Quinina
Número CAS	[130-95-0]
Fórmula química	C20H24N2O2
Masa molecular	324,42
Propiedades físicas
Punto de fusión	177 °C (descomponse lixeramente)
Punto de sublimación	180 °C (en alto baleiro)
Densidade	1.293 g/cm3
Solubilidade	En auga, 1 g/1900 ml pH da solución saturada: 8,8 Tamén é solúbel en: etanol (1 g/0,8 ml), éter anhidro (4 g/l), benceno (1 g/80 ml), cloroformo (1 g/1,2 ml) e glicerol (50 g/l)
Fluorescencia	Azul, intensifícase en ácido sulfúrico

A quinina ou chinchona, C₂₀H₂₄N₂O₂, é un alcaloide natural, cristalino e de cor branca, e sabor moi amargo, que presenta propiedades antipiréticas, antipalúdicas e analxésicas, producido por distintas especies do xénero Cinchona.

A quinina era o principal composto empregado no tratamento da malaria até que foi substituída por outros medicamentos sintéticos máis eficaces, como a quinacrina, cloroquina e primaquina. E aínda se utiliza hoxe no tratamento da malaria resistente. Así memo intentou utilizarse para tratar doentes infectados con prións, pero cun éxito limitado.

É un composto empregado frecuentemente na adulteración da heroína.