Rammstein

Rammstein
Rammstein en concerto en Milán no 2005
Orixe	Schwerin, Alemaña
Período	1994 - presente
Xénero(s)	Neue Deutsche Härte, metal industrial
Selo(s) discográfico(s)	Universal Music
Membros	Till Lindemann Richard Z. Kruspe Christoph Doom Schneider Oliver Riedel Paul Landers Christian "Flake" Lorenz
Na rede
http://www.rammstein.com

Rammstein (alemán: [ˈʁamʃtaɪn]) é un grupo alemán de Neue Deutsche Härte formado en 1994. O seu estilo musical incorpora elementos do metal industrial e a música electrónica. As súas cancións desenvólvense case exclusivamente en alemán, malia ter realizado cancións noutros idiomas incluíndo o inglés, o español, o francés e o ruso.

Tras gañar un concurso que permitiu a gravación do seu primeiro álbum, Herzeleid, en 1995, a banda gañou popularidade polas súas actuacións en vivo, coñecidas polos seus elementos teatrais e espectáculos pirotécnicos.^[1] O seu segundo álbum, Sehnsucht (1997), debutou como número 1 en vendas en Alemaña, resultando nunha xira mundial de catro anos de duración e a sinatura dun contrato coa importante discográfica Universal Music. A pesar das súas temáticas e actuacións controvertidas, Rammstein converteuse rapidamente nun éxito, vendendo ao redor de 20 millóns de copias en todo o mundo e sendo nomeada a dous premios Grammy.

1. ↑ "Rammstein winning Best Live Band award". Rammstein.de. 21 de abril de 2011. Arquivado dende o orixinal o 21 de xullo de 2011. Consultado o 25 de febreiro de 2014.