Real Club Celta de Vigo

Real Club Celta de Vigo
NomeReal Club Celta de Vigo, S.A.D.
Alcume(s)O Celtiña, Celtistas, Celestes, Célticos, Olívicos
Fundación23 de agosto de 1923 (101 anos)
EstadioBalaídos, Vigo
Galicia Galicia
Inauguración30 de decembro de 1928
Capacidade24500[1]
PropietarioGrupo GES
PresidenteGalicia Marián Mouriño
AdestradorGalicia Claudio Giráldez
LigaPrimeira División
2023–2413º
VestimentaHummel
PatrocinadorEstrella Galicia
Na rede
https://rccelta.es/
Facebook: rccelta Twitter: rccelta Instagram: rccelta Youtube: UCCJLVZYqRb_85b2Flpg04cg TikTok: rccelta Editar o valor en Wikidata
Titular
Alternativo

O Real Club Celta de Vigo S.A.D., coñecido popularmente como Celta, é un equipo de fútbol galego fundado na cidade de Vigo o 23 de agosto de 1923 por unión do Real Vigo Sporting Club e o Real Club Fortuna de Vigo. Disputa os seus partidos no estadio de Balaídos, inaugurado o 30 de decembro de 1928.

O 3 de xuño de 2012 conseguiu volver á primeira división logo de descender na tempada 2006-07 tras quedar 18º. Disputou 55 tempadas en primeira, sendo o equipo galego con máis tempadas na máxima categoría. Ocupa o 11º na clasificación histórica de primeira. Mantén historicamente unha gran rivalidade co Deportivo da Coruña. Os encontros disputados entre os dous equipos adóitanse chamar o Derbi Galego. Ten tamén unha histórica rivalidade co Pontevedra CF.

Entre os seus logros cabe destacar 3 subcampionatos da copa do rei,[2] unha Copa Intertoto,[3] 7 clasificacións para a Copa da UEFA, unha para a Liga de Campións na tempada 2003-04, na que caeu eliminado en oitavos de final polo Arsenal FC, e a clasificación histórica do 20 de abril de 2017 para as semifinais da UEFA Europa League, tras gañar ao Genk belga 3-2 na casa e quedar 1-1 no Luminus Arena. É o décimo equipo en número de afeccionados do Estado español (2,2%), segundo unha enquisa do CIS de maio de 2007.

Foi Premio da Cultura Galega 2024.[4]

  1. "Instalacións". rccelta.es. Consultado o 30 de marzo de 2021. 
  2. Centro de Investigaciones Sociológicas (2007). "Barómetro de mayo" (PDF). Consultado o 16 de marzo de 2013. 
  3. Villarino, Xulio (22 de agosto de 2017). "El Celta ganaba la Intertoto tal día como hoy". Consultado o 12 de xuño de 2018. 
  4. Galicia, Xunta de (2024-11-10). "Os Premios da Cultura Galega 2024 recaen en Manuel Lourenzo, Xosé María Pérez Barro, Marta Pazos, Joaquín Martínez, Ficción Producións, Julia Díaz, Xosé Manuel González e o Real Club Celta de Vigo". Xunta de Galicia. Consultado o 2024-10-12. 

From Wikipedia, the free encyclopedia · View on Wikipedia

Developed by Nelliwinne