Ricardo Zunino

Ricardo Zunino

Biografía
Nacemento	13 de abril de 1949 (75 anos) San Juan, Arxentina
Actividade
Ocupación	enxeñeiro, piloto de Fórmula Un, piloto de automobilismo
Deporte	automobilismo

Ricardo Héctor Zunino, nado o 13 de abril de 1949, Cidade de San Juan, Arxentina, é un ex-piloto de automobilismo, que participou na Fórmula Un desde 1979 ata 1981.

Competiu en 11 Grandes Premios de Fórmula 1. No Gran Premio do Canadá de 1979 substituíu a Niki Lauda na escudería Brabham, chegando sétimo. Despois do Gran Premio de Francia de 1980 foi substituído por Héctor Rebaque.

En 1981 correu para Tyrrell os Grandes Premios do Brasil e a Arxentina. As súas dúas mellores actuacións foron en carreiras fóra de campionato: o Gran Premio de España de 1980 e o Gran Premio de Suráfrica de 1981, ambos con Brabham, chegando a estar segundo nesta última.

En 1979 gañou unha carreira do campionato Aurora, a bordo dun Arrows, no circuíto de Brands Hatch.

Na Arxentina tivo unha destacada actuación no Turismo Nacional, coroándose Campión Arxentino da clase "C" en 1975 e 1976, alternando un Fiat 125 cun Fiat Coupé.

Logo da súa retirada das pistas, dedicouse a negocios de hostalería na súa provincia natal.