Back Aceto (gusto) AN Кисело Bulgarian Gust àcid Catalan Surni Welsh Sourness English Acida gusto Esperanto Sabor ácido Spanish Garratz Basque Acido (sapore) Italian 酸味 Japanese

Sabor acedo

Limón, froita rica en ácido cítrico.

O sabor acedo describe un dos cinco gustos principais. Prodúcese por solucións ácidas, como a solución de ácido cítrico. Exemplos de alimentos acedos: limón, laranxa, ananás, ameixas.

En portugués a palabra "azedo" refírese a algo estragado, usando a palabra ácido para o sabor acedo.

O diagrama representa a vía de transdución do sinal do sabor acedo ou salgado. O obxecto A é unha papila gustativa, o obxecto B é unha célula receptora do gusto dentro do obxecto A e o obxecto C é a neurona unida ao obxecto B. I. A parte I é a recepción de ións hidróxeno ou ións sodio. 1. Se o sabor é ácido, os ións H+, procedentes de substancias ácidas, pasan polas canles H+. Prodúcese a despolarización II. A parte II é a vía de transdución das moléculas de relé. 2. Ábrense canles de catión, como K+. III. A parte III é a resposta da célula. 3. Actívase un influxo de ións Ca+. 4. O Ca+ activa os neurotransmisores. 5. Envíase un sinal á neurona unida á papila gustativa.

Este sabor detecta o nivel de acedume. A acedume das substancias calcúlase en relación co ácido clorhídrico diluído, que ten un índice de acidez de 1. En comparación, o ácido tartárico ten un índice de acidez de 0,7, o ácido cítrico un índice de 0,46, e o ácido carbónico un índice de 0,06.

From Wikipedia, the free encyclopedia · View on Wikipedia

Developed by Nelliwinne