Santuario de Loiola

Santuario de Loiola
Tipo	monumento, santuario e igrexa
Estilo	Barroco
Localización
43°10′28″N 2°16′57″O / 43.17444, -2.28237
Estado	España
Comunidade autónoma	País Vasco
Provincia	Guipúscoa
Comarcas	Urola Kosta
Concello	Azpeitia
Asentamento	Loiola
Construción
Fundación	1738
Implicados
Arquitecto(s)	Carlo Fontana e Ignacio Ibero
Patrimonio cultural
Ben de interese cultural
Data	17 de xaneiro de 1964
Identificador	RI-51-0001480
Patrimonio construído vasco salientable
Identificador	29
Composto por
Basílica de San Ignacio de Loiola e Casa Santa
[ Wikidata ]

O Santuario e Basílica de Loiola é un complexo monumental e relixioso construído ó redor da casa natal de Ignacio de Loiola, fundador da Compañía de Xesús, coñecida como os Xesuítas. Atópase no barrio de Loiola do municipio guipuscoano de Azpeitia, no País Vasco. O santuario atópase a beiras do río Urola entre as poboacións de Azpeitia e Azcoitia.

Ignacio de Loiola, que en realidade se chamaba Iñigo López de Loiola, era fillo do señor de Loiola, Beltrán Ibáñez de Oñaz (cabeza dos Oñacinos), e da ondarresa Marina Sánchez de Licona, membro dunha importante familia oñacina biscaíña.^[1] Naceu no ano 1491 na casa torre familiar de Loiola.^[2]

A Compañía de Xesús converteuse nunha poderosa institución que tiña moita influencia na cúpula dirixente católica. Ignacio, o seu fundador, foi nomeado santo e, como era lóxico, a súa casa natal pasou a ser un lugar de devoción.^[3] Cando no século XVII a casa torre onde nacera foi cedida ós xesuítas, estes construíron alí, ó redor da casa natal do seu fundador, todo un complexo relixioso no cal destaca a súa basílica.

1. ↑ Castejón, Antonio. "LOYOLA. Oñaz Loyola Ascendientes de Ignacio de Loyola. Señores de las casas Oñaz y Loyola.". Arquivado dende o orixinal o 16 de febreiro de 2020. Consultado o 25 de novembro de 2007. 
2. ↑ Las Siervas de los Corazones Traspasados (2006). "San Ignacio de Loyola Fundador de la Compañía de Jesús (jesuitas)" (23-11-07 ed.). Las Siervas de los Corazones Traspasados de Jesús y María. Consultado o 25 de novembro de 2007. 
3. ↑ "Compañía de Jesús". ACI-PRENSA Enciclopedia Católica. Arquivado dende o orixinal o 16 de decembro de 2007. Consultado o 14 de decembro de 2016.