Talatosuquios

Talatosuquios Rango fósil: Xurásico inferior - Cretáceo inferior (desde hai 195 a 125 milóns de anos)
Dakosaurus
Clasificación científica
Reino: Animalia Filo: Chordata Clase: Sauropsida Subclase: Diapsida Infraclase: Archosauromorpha (sen clasif.): Mesoeucrocodylia Superorde: Crocodylomorpha Suborde: Thalattosuchia Fraas, 1901[1]
Familias
Metriorhynchidae[2] Teleosauridae

Os talatosuquios (Thalattosuchia, en grego "crocodilos mariños") son unha suborde de arcosaurios crocodilomorfos fósiles que viviron desde principios do Xurásico a mediados do Cretáceo, hai aproximadamente entre 190 e 125 millóns de anos, durante o Sinemuriano ao Aptiano.^[3] É un clado de cocodrilomorfos mariños que acadaron unha distribución cosmopolita. Reciben o nome de crocodilos mariños, aínda que non se consideran membros de Crocodilia.

Algunhas filoxenias sitúan os talatosuquios como un clado dos mesoeucrocodilios,^[4] mentres que outras os inclúen no clado neosuquios.^[5]

O termo Thalattosuchia foi acuñado por Fraas en 1901.^[1] Varios autores consideraron Thalattosuchia como unha infraorde ou unha suborde dentro de Mesosuchia. Porén, Mesosuchia é un grupo parafilético, que tende a non usarse actualmente. Defínense como o clado máis inclusivo que contén Geosaurus giganteus (Sommerring, 1816) pero non Goniopholis crassidens (Owen, 1841), Pholidosaurus schaumbergensis (Meyer, 1841) nin Crocodylus niloticus (Laurenti, 1768).

Desde que Buffetaut (1982)^[6] demostrou as características compartidas das formas temperás de Metriorhynchidae e Teleosauridae, Thalattosuchia constou destas dúas familias. Algúns membros temperáns de Teleosauridae descubríronse en depósitos non mariños, o que suxire que os talatosuquios evolucionaron desde formas semiacuáticas de auga doce a formas completamente mariñas.^[6] A sistemática do xénero Pelagosaurus é confusa, e foi situado en diferentes posicións nas clasificacións; algúns autores colocárono como un teleosáurido,^[7] outros como un taxon irmán do clado Teleosauridae + Metriorhynchidae, mentres que outros o consideran como un metriorrínquido basal.^[6]

Os rexistros temperáns do grupo son fósiles de Pelagosaurus typus e Steneosaurus sp. de estratos do Xurásico inferior de Europa, Suramérica e Madagascar. Os últimos rexistros son de estratos de mediados do Cretáceo de Europa.

1. ↑ ^{1,0 1,1} Fraas E. 1901. Die Meerkrokodile (Thalattosuchia n. g.) eine neue Sauriergruppe der Juraformation. Jahreshefte des Vereins für vaterländische Naturkunde, Württemberg 57: 409-418.
2. ↑ Fitzinger LJFJ. 1843. Systema Reptilium. Wien: Braumüller et Seidel, 106 pp.
3. ↑ Alfio A. Chiarenza, Davide Foffa, Mark T. Young, Gianni Insacco, Andrea Cau, Giorgio Carnevale, Rita Catanzariti (2015). "The youngest record of metriorhynchid crocodylomorphs, with implications for the extinction of Thalattosuchia". Cretaceous Research 56: 608–616. doi:10.1016/j.cretres.2015.07.001. 
4. ↑ Mikko's Phylogeny Archive - Crocodyloformes
5. ↑ Mikko's Phylogeny Archive - Neosuchia
6. ↑ ^{6,0 6,1 6,2} Buffetaut, E. 1982. Radiation évolutive, paléoécologie et biogéographie des Crocodiliens mésosuchienes. Mémoires Société Géologique de France 142: 1–88.
7. ↑ Gasparini Z, Pol D, Spalletti LA. 2006. An unusual marine crocodyliform from the Jurassic-Cretaceous boundary of Patagonia. Science 311: 70-73.