Teutates

Teutates (tamén chamado Tutatis) era o deus celta protector da tribo na Galia e as Illas Británicas. Foi o antecesor dos homes e o seu lexislador, gardián, árbitro e defensor dos seus pobos. Formaba parte dos Deuses da Noite (os máis importantes da Galia) xunto a Esus e Taranis. A palabra Teutates ou Toutatis é auténtica e con testemuñas escritas.^[1]

Actualmente é coñecido como Toutatis (pronunciado [towˈtaːtis] en galo^[2]). É coñecido por ser unha expresión usual (¡Por Tutatis!) para os galos das historietas de Astérix, de René Goscinny e Albert Uderzo.

1. ↑ Listing for Toutatis de www.arbre-celtique.com.
2. ↑ Pierre-Yves Lambert (2003). La langue gauloise. Éditions Errance, París.