The Simpsons (tempada 6)

A sexta tempada da serie animada The Simpsons emitiuse orixinalmente dende o 4 de setembro de 1994 até o 21 de maio de 1995 e consiste en 25 episodios.

O showrunner da produción da sexta tempada foi David Mirkin, que foi produtor executivo de 23 episodios. Os ex-showrunners Al Jean e Mike Reiss produciron os dous restantes; produciron os dous episodios co persoal de The Critic, unha serie que crearon Jean e Reiss despois da súa saída de The Simpsons. Isto fíxose co fin de aliviar algo da tensión soportada polo equipo de guionistas de The Simpsons, como o sentir de que a produción de 25 episodios nunha tempada era demasiado.

Os primeiros dous episodios, Bart of Darkness e Lisa's Rival, foron tomados da tempada previa, xa que a produción demorouse polo terremoto de Northridge de 1994.^{[1] [2]} O produtor executivo da tempada foi David Mirkin.^[3] O episodio A Star is Burns causou certa controversia entre os produtores, xa que Matt Groening sacou o seu nome dos créditos do episodio, ao velo como unha publicidade para The Critic, a cal se emitía por ese entón.^[4] Fox volveu situar a The Simpsons ao seu horario orixinal dos domingos, sendo emitido os xoves durante as tres tempadas previas. Dende entón, a súa emisión continuou nese día.^[5]

1. ↑ Mirkin, David (2004). Comentario de DVD de The Simpsons, tempada 6, episodio "Bart of Darkness" (DVD). 20th Century Fox.
2. ↑ Mirkin, David; Mark Kirkland (2004). The Simpsons. The Complete Sixth Season DVD commentary for the episode "Lisa' s Rival". 20th Century Fox.
3. ↑ Richmond, pp. 148-149.
4. ↑ Brennan, Judy. Matt Groening's Reaction to The Critic's First Appearance on The Simpsons. Los Angeles Times (3 de marzo de 1995). Consultado o 2 de marzo de 2007.
5. ↑ Reiss, Mike. Comentario de DVD de The Simpsons, tempada 2, episodio "Bart Gets an F" (2002). 20th Century Fox.