Back طواف فرنسا 2016 Arabic Tour de Francia 2016 AST Tro Bro-C'hall war varc'h-houarn 2016 Breton Tour de France 2016. BS Tour de França de 2016 Catalan Tour de France 2016 Czech Tour de France 2016 Welsh Tour de France 2016 Danish Tour de France 2016 German 2016 Tour de France English
| |||
| Tipo | Tour de Francia  | ||
|---|---|---|---|
| Deporte | ciclismo en ruta | ||
| Parte de | UCI World Tour 2016 | ||
| Distancia do evento | 3.529 km | ||
| Lugar de saída | Le Mont-Saint-Michel | ||
| Liña de meta | París | ||
| Número de participantes | 198, inicio 174, final | ||
| Participantes | |||
AG2R La Mondiale 2016, Astana 2016, BMC Racing 2016, Cannondale-Drapac 2016, Dimension Data 2016, Etixx-Quick Step 2016, FDJ 2016, Giant-Alpecin 2016, IAM 2016, Katusha 2016, Lampre-Merida 2016, Lotto-Soudal 2016, Lotto NL-Jumbo 2016, Movistar 2016, Orica-BikeExchange 2016, Sky 2016, Tinkoff 2016, Trek-Segafredo 2016, Bora-Argon 18 2016, Cofidis 2016, Direct Énergie 2016 e Fortuneo-Vital Concept 2016 | |||
| Localización e Datas | |||
| País | Francia, España, Andorra e Suíza | ||
| Intervalo de tempo | 2 de xullo de 2016 – 24 de xullo de 2016 | ||
| Número de edición | 103 | ||
| Competición | |||
| Primeiro posto | Christopher Froome Romain Bardet Nairo Quintana Peter Sagan Rafał Majka Adam Yates Peter Sagan Movistar 2016 | ||
O Tour de Francia 2015 foi a 103ª edición do Tour de Francia, a carreira ciclista máis importante do mundo. A edición deste ano disputouse entre os días 2 e 24 de xullo de 2016. O percorrido contou con 21 etapas e 2 días de descanso, das cales 9 eran de alta montaña, 2 de contra o reloxo (unha individual normal e unha cronoescalada), 1 de media montaña e outras 9 maioritariamente chás deseñadas para sprinters. Ademais, este trazado tamén se caracterizou por ter discorrido por 4 países. Estes son: España, Andorra e Suíza ademais de Francia.
O pistoletazo de saída do Tour deuse no Mont Saint-Michel, rexión da Normandía e finalizou, coma é habitual, co paseo arredor do circuíto polo centro de París e que ten a meta na Avenida dos Campos Elisios. Esta proba foi a décimo novena no circuíto UCI WorldTour 2016.
A carreira gañouna por terceira vez (segunda consecutiva) o inglés nado en Kenya Christopher Froome. O ciclista do Team Sky demostrou a súa superioridade en todos os terreos (ata correndo a pé) e venceu por unha gran diferenza, debido tamén á axuda que lle prestou o seu equipo, demostrando ser unha estrutura moi forte e case infranqueábel. Tralo inglés rematou o local Romain Bardet que atacou na antepenúltima etapa saltando da quinta posición á segunda. No terceiro lugar acabou o Colombiano Nairo Quintana que era un gran favorito para a vitoria final pero que decepcionou ao non ser o mellor nos Alpes.
Dentro das clasificacións secundarias, o eslovaco Peter Sagan logrou o seu quinto maillot verde consecutivo por unha grande diferenza, que se tornou en maior logo de que a revelación do vello sprinter Mark Cavendish con catro etapas, se retirara para preparar o ciclismo en pista dos Xogos Olímpicos de Río. Ademais, o eslovaco do Tinkoff tamén logrou o premio supercombativo. Na clasificación do mellor escalador, o polaco Rafał Majka conseguiu a súa segunda vitoria nesta clasificación, logo de vencer por unha ampla vantaxe de puntos ao igual que o seu compañeiro de equipo na clasificación dos puntos. Entre os xoves, o compatriota do maillot amarelo, Adam Yates venceu tras unha bonita pelexa co surafricano Louis Meintjes. O mellor equipo volveu ser por terceiro ano seguido o Movistar Team.