Trent Reznor

Trent Reznor

Biografía
Nacemento	(en) Michael Trent Reznor 17 de maio de 1965 (59 anos) New Castle, Estados Unidos de América (pt)
Residencia	Mercer (pt) Os Ánxeles Cleveland Nova Orleáns
Educación	Allegheny College (en) Mercer Area High School (en)
Actividade
Lugar de traballo	Cleveland
Ocupación	cantante, produtor musical, vocalista, produtor, guitarrista, pianista, cantautor, compositor, compositor de bandas sonoras
Período de actividade	1982 -
Empregador	Apple
Membro de	Nine Inch Nails How to Destroy Angels
Xénero artístico	Música rock, rock alternativo, Rock industrial, Synthpop, música ambiente e Metal alternativo
Tesitura	Barítono
Instrumento	Guitarra, piano, caixa de ritmos, baixo, sintetizador, mellotron, Saxofón, violoncello, Contrabaixo, Tambor, Tuba, Sousafón, Harmonio, Marimba, Frauta de Pan, Clavicémbalo, Vibráfono e voz
Selo discográfico	Columbia Records TVT Records Island Records Universal Music Group Interscope Records Nothing Records (1992–) The Null Corporation (2008–)
Compañeiro profesional	Atticus Ross: Trent Reznor and Atticus Ross (en)
Familia
Cónxuxe	Mariqueen Maandig (2009–)
Premios
(2013)  Grammy Award para melhor trilha orquestrada de mídia visual (pt) , premiado polo traballo The Girl with the Dragon Tattoo (2011)  Globo de Ouro de melhor banda sonora original (pt) , premiado polo traballo The Social Network (2011)  Óscar á mellor banda sonora, premiado polo traballo The Social Network
Sinatura
Descrito pola fonte	Obálky knih,

Michael Trent Reznor, nado o 17 de maio de 1965 en Mercer, Pensilvania, é un músico, compositor, multi-instrumentista e produtor estadounidense. É vocalista e principal compositor do proxecto de rock industrial Nine Inch Nails,^[1][2][3] que fundou en 1988 e do que foi oficialmente o único membro ata 2016. A primeira edición de Reznor coma Nine Inch Nails, Pretty Hate Machine de 1989, foi un éxito comercial, e dende entón leva editados 11 álbums de estudio co grupo.

Reznor comezou a súa carreira a mediados dos 80 como membro de bandas de synth-pop como Option 30, The Innocent, e Exotic Birds.^[4] Colaborou en álbums de artistas como Marilyn Manson, do que foi mentor, o rapeiro Saul Williams e Halsey. Xunto coa súa muller Mariqueen Maandig e os colaboradores habituais de Nine Inch Nails Atticus Ross e Rob Sheridan, formou o grupo de post-industrial How to Destroy Angels en 2009.^[5][6]

A partir de 2010 Reznor, xunto con Atticus Ross, comezou a traballar en música para películas e televisión. O dúo compuxo música para moitas das películas de David Fincher, como The Social Network (2010), The Girl with the Dragon Tattoo (2011), Perdida (2014), e Mank (2020). Gañaron o Óscar á mellor banda sonora e o Grammy á mellor banda sonora para medios visuais tanto por The Social Network (2010) como por Soul (2020). O dúo tamén compuxo música para os filmes Patriots Day (2016), Mid90s, Bird Box (os dous de 2018), Waves (2019), Bones and All, e Empire of Light (ámbolos dous de 2022). Tamén fixeron música para os documentais Before the Flood (2016) e The Vietnam War (2017), e a serie de televisión Watchmen (2019), gañando un premio Primetime Emmy Award por esta última.

En 1997, Reznor apareceu na lista de Time das persoas máis influíntes do ano, e a revista Spin describiuno como "o artista máis vital na música".^[7]

1. ↑ "Trent Reznor's Upward Spiral". Spin. 2015-12-22. Archived from the original on 22 de decembro de 2015. Consultado o 2023-04-22. 
2. ↑ Beaumont, Mark (2013-08-08). "The nine lives of Trent Reznor". The Guardian (en inglés). ISSN 0261-3077. Consultado o 2023-04-22. 
3. ↑ "Steven Levy on Facebook, Spotify and the Future of Music". Wired. 2015-12-08. Archived from the original on 08 de decembro de 2015. Consultado o 2023-04-22. 
4. ↑ Cinquemani, Sal (2005-05-03). "Review: Nine Inch Nails, With Teeth". Slant Magazine (en inglés). Consultado o 2023-04-22. 
5. ↑ "Trent Reznor Score Wins Golden Globe". The Quietus (en inglés). Consultado o 2023-04-22. 
6. ↑ "Trent Reznor pegs early 2012 release date for How to Destroy Angels full-length". web.archive.org. 2016-10-27. Archived from the original on 27 de outubro de 2016. Consultado o 2023-04-22. 
7. ↑ "TIME.com: TIME'S 25 MOST INFLUENTIAL AMERICANS -- Apr. 21, 1997 -- Page 18". web.archive.org. 2006-11-10. Arquivado dende o orixinal o 05 de marzo de 2011. Consultado o 2023-04-23.