Uruguai

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2016.)

Uruguai

República Oriental del Uruguay (es)
Bandeira Brasón
Himno	Orientales, la Patria o la tumba
Lema	«Liberdade ou morte»
Alcume	El Paisito e La Suiza de América
Epónimo	Río Uruguai
Localización
33°S 56°O / -33, -56
Capital	Montevideo
Contén a división administrativa	Departamento de Artigas (1884–) Departamento de Canelones Departamento de Cerro Largo Departamento de Colonia Departamento de Durazno Departamento de Flores (1885–) Departamento de Florida (1856–) Departamento de Lavalleja (1837–) Departamento de Maldonado Departamento de Montevideo Departamento de Paysandú Departamento de Rivera (1884–) Departamento de Rocha (1881–) Departamento de Río Negro (1881–) Departamento de Salto (1837–) Departamento de San José Departamento de Soriano Departamento de Tacuarembó (1837–) Departamento de Treinta y Tres (1884–)
Poboación
Poboación	3.444.263 (2023) (19,55 hab./km²)
Lingua oficial	lingua castelá (valor oficial)
Xeografía
Parte de	América Latina Hispanoamérica Cono Sur América do Sur lista negra dos paraísos fiscais da Unión Europea (valor descoñecido–2023)
Superficie	176.215 km²
Bañado por	Río Uruguai, Río da Prata e Océano Atlántico
Punto máis alto	Cerro Catedral (pt) (513,7 m)
Punto máis baixo	Océano Atlántico (0 m)
Comparte fronteira con	Brasil Arxentina
Datos históricos
Precedido por	Cisplatina (pt) e Província Oriental do Rio da Prata (pt)
Creación	25 de agosto de 1825
Día festivo	Aninovo (1 de xaneiro) Día Internacional dos Traballadores (1 de maio) Nadal (25 de decembro) Entroido Día dos Fieis Defuntos (2 de novembro) Epifanía (6 de xaneiro) Tourism Week (en) (data variable)
Organización política
Forma de goberno	república democracia participativa (pt) presidencialismo
Órgano executivo	Presidencia da República
• Xefe do goberno	Luis Alberto Lacalle Pou (2020–)
Órgano lexislativo	Asemblea Xeral (Uruguai) ,
Máxima autoridade xudicial	Tribunal Superior de Xustiza do Uruguai
Membro de	Tratado de non proliferación de armas nucleares Organismo para a Proscrición das Armas Nucleares na América Latina e o Caribe Grupo para as observacións da Terra ../... 24+
PIB nominal	61.412.268.249 $ (2021)
Moeda	Peso uruguaio
Identificador descritivo
Fuso horario	UTC−03:00, horario estándar America/Montevideo (pt)
Dominio de primeiro nivel	.uy
Prefixo telefónico	+598
Teléfono de emerxencia	911
Código de país	UY
Sitio web	gub.uy

O Uruguai^[1], oficialmente a República Oriental do Uruguai (en castelán: República Oriental del Uruguay escoitar (axuda · info)), é un país de América do Sur. Limita ao norte e nordeste co estado de Río Grande do Sur (Brasil), ao oeste co río Uruguai coas provincias arxentinas de Entre Ríos e Corrientes, ao suroeste co esteiro do Río da Prata o cal o separa de Buenos Aires (Arxentina) e ao sueste co océano Atlántico.

O seu territorio, cunha superficie de máis de 176.000 km², é o segundo máis pequeno do subcontinente detrás de Suriname e áchase dividido administrativamente en 19 departamentos.

Segundo as Nacións Unidas é o país de Latinoamérica co nivel de alfabetización máis alto. Segundo o Programa das Nacións Unidas para o Desenvolvemento (PNUD), é o terceiro país de Latinoamérica (despois da Arxentina e de Chile), que posúe o maior Índice de Desenvolvemento Humano (IDH).^[2] Tamén é o país de Latinoamérica (xunto con Costa Rica), coa distribución de ingreso máis equitativa, tomando a relación entre o ingreso do 10% máis rico e o do 10% máis pobre da poboación; o quinto (despois de Cuba, Costa Rica, Chile e Ecuador, coa esperanza de vida máis alta, respectivamente; e o terceiro, despois da Arxentina e Chile, co PIB per cápita máis alto, e o décimo país de Latinoamérica co PIB máis alto.

Segundo o informe do ano 2009 de "Reporteiros sen fronteiras", o Uruguai é o país onde máis liberdade de prensa hai en Suramérica. Así mesmo é o país máis democrático de toda Latinoamérica, segundo o "Índice de Democracia" de The Economist, sendo xunto a Costa Rica os únicos países latinoamericanos considerados como unha 'democracia completa'. O Uruguai foi o primeiro país latinoamericano, e o segundo en todo o continente americano, en recoñecer e legalizar a unión civil, incluíndo parellas homosexuais.

1. ↑ Definicións no Dicionario da Real Academia Galega e no Portal das Palabras para uruguaio.
2. ↑ "Informe sobre desenvolvemento humano 2009" (PDF). PNUD. Consultado o 11 de marzo de 2010.