Venres de Dores

O Venres de Dores, Venres de Dor^[1] ou Venres de Concilio^[2] é o venres anterior ao Domingo de Ramos, comprendido dentro da última semana da Coresma, coñecida pola Igrexa como Semana de Paixón. Nalgunhas rexións é considerado como o inicio da Semana Santa ou Semana Maior, ao iniciarse neste os desfiles procesionais.

Os católicos manifestan o seu fervor relixioso na celebración das Dores da nosa Señora, incluíndo por exemplo na liturxia da Misa a secuencia do Stabat Mater. Nalgúns lugares denomínase Venres de Concilio, o cal é tomado como día de xaxún e abstinencia, quedando proscrito o consumo de carnes.

1. ↑ QUISQUEYA, Publicado por COPY. ".... SEMANA SANTA GUARDESA 2019 - PROCESIÓN VENRES DE DOR - VENRES 12 DE ABRIL A PARTIR DAS 9:00 DA NOITE ..." (en castelán). Consultado o 2019-07-11. 
2. ↑ "Folleto de man da Semana Santa de 2015 de Porto Dozón.pdf" (PDF). Arquivado dende o orixinal (PDF) o 10 de xaneiro de 2021. Consultado o 07 de xaneiro de 2021.