Vilalba

Vilalba

Localización
43°17′47″N 7°40′43″O / 43.2963, -7.6786
Estado	España
Comunidade autónoma	Galicia
Provincia	Provincia de Lugo
Capital	Vilalba
Contén a división administrativa	A Torre Alba Belesar ../... 30+
Poboación
Poboación	13.787 (2024) (36,38 hab./km²)
Xeografía
Parte de	Terra Chá
Superficie	379 km²
Altitude	480 m
Comparte fronteira con	Abadín Guitiriz Xermade Begonte Cospeito Muras
Organización política
• Alcaldesa	Marta Rouco Seoane (2023–)
Eleccións municipais en Vilalba
Identificador descritivo
Código postal	27800
Fuso horario	UTC+01:00
Código INE	27065
Sitio web	vilalba.gal

Vilalba é un concello da provincia de Lugo, capital da comarca da Terra Chá. Segundo o IGE en 2020 tiña 14 079 habitantes, dos que máis dun terzo viven no núcleo urbano. O seu xentilicio é «vilalbés» e tamén «chairego». O concello posúe unha densidade de poboación de 38,64 hab./km², e unha superficie de 379 km², o que o converte no segundo concello galego en extensión despois da Fonsagrada. Vilalba é a vila principal da súa comarca e a cuarta na provincia, xusto despois de Viveiro.

O concello de Vilalba atópase na metade norte da provincia de Lugo; limita polo norte cos concellos de Abadín, Muras e Xermade, polo sur, con Cospeito, Begonte e Guitiriz, polo leste, con Abadín e Cospeito e polo oeste, con Xermade e Guitiriz. A poboación de Vilalba distribúese nas 29 parroquias do concello, ademais do núcleo urbano da vila^[1].

Vilalba (do latín Villam Albam, 'vila branca'), posúe un rico patrimonio arqueolóxico e cultural. O concello conserva un bo número de mostras de castros galaicos, entre os que destacan os castros de Gondaísque e Belesar. Dentro do seu patrimonio cultural destaca a Torre da homenaxe do desaparecido castelo de Vilalba, vencellada historicamente á casa dos Andrade, e convertida no século XX en parador de turismo.

Con respecto á industria, o concello caracterízase pola súa modesta industrialización, sendo as industrias existentes derivadas do sector primario, é dicir a agroalimentaria, representada por unha empresa multinacional de produtos lácteos, e algunhas pequenas industrias de embutidos, xamóns e de elaboración do queixo D.O. de San Simón. Porén, posúe un polígono industrial de considerable tamaño situado ao nordeste da vila.^[2]

A gastronomía é un dos meirandes atractivos da vila na que hai que destacar o queixo de San Simón da Costa^[3], o roscón de améndoas e os célebres capóns de Vilalba^[4] que se comercializan nunha feira anual, que ten lugar o 21 de decembro.

1. ↑ "Xeografía do Concello de Vilalba". Arquivado dende o orixinal o 07 de maio de 2008. Consultado o 17 de febreiro de 2008. 
2. ↑ "Polígono Sete Pontes en Vilalba". www.paxinasgalegas.es (en castelán). Consultado o 2024-09-07. 
3. ↑ Queixo de San Simon da Costa
4. ↑ "Capóns de Vilalba". Arquivado dende o orixinal o 07/02/2008. Consultado o 17/2/2008.