Villains

Villains é o sétimo álbum da banda estadounidense de rock alternativo Queens of the Stone Age, publicado o 25 de agosto de 2017 a través do selo Matador Records. O disco anunciouse o día 14 de xuño cun avance en clave de parodia no que a banda realizaba unha proba de polígrafo co músico Liam Lynch. O seu primeiro sinxelo, "The Way You Used to Do", lanzouse o día seguinte co anuncio dunha xira mundial.^[1][2] Villains non conta con músicos convidados como os anteriore álbums do grupo.^[3]

O álbum recibiu polo xeral críticas positivas e funcionou ben comercialmente, chegando ao número 1 das listas da Billboard Top Alternative Albums e Top Rock Albums. Nos Grammy de 2018 foi nomeado ao premio ao "mellor álbum de rock", sendo gañado por The War on Drugs con A Deeper Understanding.^[4]

1. ↑ Pitchfork (ed.). "Queens of the Stone Age Announce New Album Villains, Preview New Song: Watch". Consultado o 23 de decembro de 2017. 
2. ↑ Rolling Stone (ed.). "Queens of the Stone Age Preview New LP, Tour With Gritty 'The Way You Used to Do'". Arquivado dende o orixinal o 11 de decembro de 2017. Consultado o 23 de decembro de 2017. 
3. ↑ NME (ed.). "Josh Homme explains why there are no special guests on new Queens Of The Stone Age album ‘Villains’". Consultado o 23 de decembro de 2017. 
4. ↑ Blais-Billie, Braudie (2018-01-28). "Grammys 2018: The War on Drugs Win Best Rock Album". Pitchfork (en inglés). Consultado o 2022-12-13.