Virulencia

A virulencia é a capacidade dun patóxeno ou microorganismo de causar danos ao hóspede. A palabra significa 'gravidade con que cursa unha enfermidade'. Os patóxenos con esa capacidade dise que son virulentos, palabra que procede do latín virulentus, que significaba 'ferida envelenada' ou 'cheo de veleno'.^[1][2]

Na maioría dos casos, especialmente en sistemas animais, a virulencia refírese ao grao de danos causados por un microbio ao seu hóspede.^[3] A patoxenicidade dun organismo é a súa capacidade de causar doenzas, que está determinada polos seus factores de virulencia.^[4][5] No contexto específico dos sistemas xene por xene, a miúdo en plantas, a virulencia refírese á capacidade do patóxeno de infectar un hóspede resistente.^[6]

Desde un punto de vista ecolóxico, a virulencia é a perda de fitness inducida por un parasito no seu hóspede. A virulencia pode entenderse en termos de causas próximas, é dicir, aquelas características específicas do patóxeno que lle axudan a causar enfermidade no hóspede, e de causas últimas, que son as presións evolutivas que levan a unha característica virulenta a aparecer nunha cepa dun patóxeno.^[7]

1. ↑ Definicións no Dicionario da Real Academia Galega e no Portal das Palabras para virulencia.
2. ↑ Etimologías de Chile virulento
3. ↑ Pirofski LA, Casadevall A (2012). "Q and A: What is a pathogen? A question that begs the point". BMC Biology 10: 6. PMC 3269390. PMID 22293325. doi:10.1186/1741-7007-10-6. 
4. ↑ "MeSH - Medical Subject Headings, Karolinska Institute, 13 de abril de 2010". Arquivado dende o orixinal o 03 de marzo de 2016. Consultado o 29 de abril de 2023. 
5. ↑ Biology Online (7 outubro de 2019). "Virulence". Biology Online. 
6. ↑ Thrall, Peter H.; Burdon, Jeremy J. (2003). "Evolution of Virulence in a Plant Host-Pathogen Metapopulation". Science (en inglés) 299 (5613): 1735–7. Bibcode:2003Sci...299.1735T. ISSN 0036-8075. PMID 12637745. doi:10.1126/science.1080070. 
7. ↑ "Plant disease | Importance, Types, Transmission, & Control | Britannica". www.britannica.com (en inglés). Consultado o 2023-01-02.