Voina i mir

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Voina i mir
Título orixinal	Война и мир
Autor/a	Lev Tolstoi
Orixe	Imperio Ruso
Lingua	lingua rusa e lingua francesa
Tema(s)	Invasión francesa de Rusia
Xénero(s)	romantic fiction, ficción histórica, war fiction, ficción filosófica, war literature, novela bélica e novela histórica
Editorial	The Russian Messenger
Data de pub.	1869
[ editar datos en Wikidata ]

Voina i mir (en ruso: Война и мир, antes da reforma ortográfica: Война и миръ; en galego Guerra e paz) é unha novela histórica escrita por Lev Tolstoi e publicada entre 1865 e 1869 no xornal Russkii Vestnik. O libro narra a historia de Rusia na época de Napoleón Bonaparte (principalmente as guerras napoleónicas en Rusia). A riqueza e o realismo dos seus detalles así como as súas numerosas descricións psicolóxicas fan que sexa considerado un dos maiores libros da historia da literatura.^[1][2][3] Tolstoi desenvolveu no libro unha teoría fatalista da historia, onde o libre arbitrio non tería máis que unha importancia menor e onde todos os acontecementos só obedecerían a un determinismo histórico irrelutábel.

Voina i mir creou un novo xénero de ficción. A pesar de actualmente ser considerada unha novela, esta obra quebrou tantos códigos das novelas da época que diversos críticos non a consideraron tal. O propio Tolstoi consideraba Anna Karenina (1878) como súa primeira tentativa de novela.

Voina i mir tivo un enorme éxito na época da súa publicación, imprevisto ata mesmo para o autor.

1. ↑ Moser, Charles. 1992. Encyclopedia of Russian Literature. Cambridge University Press, pp. 298–300.
2. ↑ Thirlwell, Adam "A masterpiece in miniature". The Guardian (Londres) 8 de outubro de 2005
3. ↑ Briggs, Anthony. 2005. "Introduction" to War and Peace. Penguin Classics.