Back طيران فلوريدا الرحلة 90 Arabic Полет 90 на „Еър Флорида“ Bulgarian Air-Florida-Flug 90 German Air Florida Flight 90 English Vuelo 90 de Air Florida Spanish Air Florida lend 90 Estonian پرواز ۹۰ ایر فلوریدا Persian Air Floridan lento 90 Finnish Vol Air Florida 90 French טיסה 90 של אייר פלורידה HE
| Voo 90 de Air Florida | |
|---|---|
 Boeing 737-222 semellante ao do accidente
| |
| Resumo | |
| Data | 13 de xaneiro de 1982 |
| Causa | conxelación |
| Lugar | río Potomac |
| Coordenadas | |
| Orixe | aeroporto Ronald Reagan |
| Derradeira escala | aeroporto de Tampa |
| Destino | aeroporto de Fort Lauderdale |
| Finados | 78 (4 en terra) |
| Feridos | 9 |
| Aeronave | |
| Tipo de aeronave | Boeing 737-222 |
| Operador | Air Florida |
| Rexistro | N62AF |
| Pasaxeiros | 74 |
| Tripulación | 5 |
| Superviventes | 5 |
O voo 90 de Air Florida era un voo regular doméstico de pasaxeiros operado por Air Florida dende o aeroporto Washington National (no presente aeroporto nacional Ronald Reagan de Washington) ata o aeroporto de Fort Lauderdale-Hollywood, cunha escala no aeroporto de Tampa. O 13 de xaneiro de 1982 o Boeing 737-222 con rexistro N62AF esnafrouse contra a ponte da rúa 14 sobre o río Potomac, a só dúas millas da Casa Branca.[1]
O aparello golpeou contra a ponte, por onde pasa a Interestatal 395 entre Washington, D.C. e o condado de Arlington, Virxinia. Impactou contra varios vehículos na ponte e esnaquizou 30 metros de peitoril[2] antes de mergullarse no xeo do río Potomac. O avión levaba 74 pasaxeiros e 5 tripulantes. Catro pasaxeiros e unha asistente de voo foron rescatados e sobreviviron. Outro pasaxeiro, Arland D. Williams, Jr., axudou no rescate dos superviventes, pero afogou antes de ser rescatado. Catro condutores na ponte tamén morreron. Os superviventes foron rescatados do río conxelado por civís e profesionais. O presidente Ronald Reagan eloxiou estes actos durante o seu discurso do Estado da Unión poucos días máis tarde.
A NTSB determinou que a causa do accidente foi un erro dos pilotos que non activaron os sistemas de protección contra o xeo internos dos motores, usaron a reversa nunha tormenta de neve antes da engalaxe, intentaron usar a saída de gases dun avión diante deles para derreter o seu xeo, e fallaron en abortar a engalaxe despois de detectar un problema de potencia mentres rodaban vendo acumulación de xeo e neve nas ás.
- ↑ Editors, History com. "Plane crashes into Potomac". HISTORY (en inglés). Consultado o 2019-01-03.
- ↑ "Informe do accidente" (PDF). NTSB. Consultado o 2019-1-4.