Back Motorvoertuig Afrikaans Auto ALS መኪና Amharic Auto AN Selffērende wægn ANG Ujijọn̄ ANN गाड़ी ANP سيارة Arabic ܪܕܝܬܐ ARC طوموبيل ARY
Mba'yruguata (ojekuaáva avei áuto ramo, tuichaitépe jopara ñe'ẽme) ha'e peteĩ mba'yrumýi orekóva peteĩ momyiha ha irundy apajere jererahápe ojeiporúva. Jepivénte mba'yruguata he'ise umi mba'yrumýi tapeguasúre ohóva, oikehápe peteĩ térã amo 8 tapicha, orekóva irundy neumátiko ha ojeiporuvéva oporogueraha hag̃ua.
Sa'ary XX paha pukukuévo, oñembojoapy mba'yruguatápe heta mba'e omoporãvéva ojeiporu ha oiko hag̃ua hyepýpe, ha'eháicha umi mba'e oñangarekóva tapicháre ani hag̃ua ohasy'asyete oikóramo mba'e vai, umi mba'e oñangarekóva ani hag̃ua oñemondarei, umi mba'e yvytu omoro'ysãva térã ombohakúva, GPS, ha heta ambuéva.
Oñemboguata hag̃ua mba'yruguata, tekotevẽ mbaretekue omomba'apóva imomyiha ha ombojeréva ijapajere. Mbaretekue ikatu oñeguenohẽ tendyrýgui, mba'e ombyakúvagui térã mba'e kímikogui (jahero combustible térã "ñandyratarã" pe mba'e kímiko omýi hag̃ua, ha'eháicha gasolína). Umi tendyrýgui oguenohẽva imbaretekue oiporu peteĩ vatería guasu sapy'ánte oñembojoaju tendyrýre oñemyenyhẽ jey hag̃ua, umíva ojehero mba'yruguata hendyrýva.