Cinema of Africa

Cinema of Africa

Ein location	Africa

Cinema of Africa dey cover both history plus present of how dem dey make anaa show films for Africa continent insyd, wey esanso dey refer to de people wey dey involve for dis kind of audiovisual culture. E start from early 20th century, wen dem dey use film reels as de main cinematic technology. As dem get more dan 50 countries wey get audiovisual traditions, no be one single 'African cinema' dey. Both historically den culturally, dem get major regional differences between North Africa den sub-Saharan cinemas, den between cinemas of different countries.^[1]

Egypt den Tunisia get sam of de oldest cinema for de world. Egypt own be de biggest wey dey flourish well well for Africa.^[2][3] Pioneers Auguste plus Louis Lumière screen dema films for Alexandria, Cairo, Tunis, Susa, Libya den Hammam-Lif, Tunisia for 1896 insyd.^[4][5] Albert Samama Chikly dey say be de first person wey produce African cinema wey komot Africa, show ein own short documentaries for casino of Tunis as far back as December 1905.^[6] Chikly den ein daughter Haydée Tamzali go on produce important early films like 1924 ein The Girl from Carthage. For 1927, Egypt produce Laila, de first big film wey Aziza Amir make. For 1935, Studio Misr for Cairo start produce mostly comedies den musicals wey no be too original, buh e sanso films like Kamal Selim ein The Will (1939). Egyptian cinema cam turn strong for 1940s, 1950s, den 1960s, dem consider am as Golden Age.^[7] Youssef Chahine ein big film Cairo Station (1958) lay de foundation for Arab film, make am start dey grow.^[8]

Nigeria film industry be de biggest for Africa, look sharp-sharp, dem dey produce plenty films every year, dem get plenty money, and plenty people dey watch dem.^[9][10][11] E sanso be de second biggest for de world, dem dey make plenty films.^[12] For 2016, dem contribute 2.3% to Naija GDP, wey show say dem dey important for de country economy.^[12]

1. ↑ Hayward, Susan. "Third World Cinemas: African Continent" in Cinema Studies: The Key Concepts (Third Edition). Routledge, 2006. p. 426-442
2. ↑ Houissa, Ali. "LibGuides: Middle Eastern & North African Cinema & Film: Egyptian Cinema & Film". guides.library.cornell.edu. Retrieved 2023-12-18.
3. ↑ Gaffney, Jane (1987). "The Egyptian Cinema: Industry and Art in a Changing Society". Arab Studies Quarterly. 9 (1): 53–75. ISSN 0271-3519. JSTOR 41857918.
4. ↑ Leaman, Oliver (2003-12-16). Companion Encyclopedia of Middle Eastern and North African Film. Routledge. ISBN 9781134662524.
5. ↑ "Alexandria, Why? (The Beginnings of the Cinema Industry in Alexandria)". Bibliotheca Alexandrina's AlexCinema.
6. ↑ "Three Programmes". Cinema Ritrovato. Retrieved 14 October 2020.
7. ↑ "The Golden Age of Egyptian Cinema – the 1940s to 1960s". Archived from the original on 2017-11-25. Retrieved 2017-10-06.
8. ↑ "African Cinema: Invisible Classics". British Film Institute. Archived from the original on 2012-08-03.
9. ↑ "Top 10 film industries in Africa". afriff.com. AFRIFF African International Film Festival. 4 August 2023. Retrieved 2023-10-25.
10. ↑ "Nigeria surpasses Hollywood as world's second largest film producer – UN". un.org. United Nations. 2009-05-05. Archived from the original on 2013-03-09. Retrieved 2023-10-25.
11. ↑ "Nigeria's Nollywood eclipsing Hollywood in Africa". The Independent. May 15, 2010. Archived from the original on May 18, 2010. Retrieved 2010-11-24.
12. ↑ ^{12.0 12.1} "Spotlight: The Nigerian Film Industry" (PDF). July 2017.