Cnidaria

Cnidaria Rheam fossylagh: Ediacaragh - jiu
Bayrnyn mooarey, Chrysaora fuscescens
Rang oaylleeagh
(neu-rheynnit): Radiata Reeriaght: Animalia Phylum: Cnidaria
Fo-phylum/Rang
Anthosoa – corryl as askaidyn varrey Medusosoa:[1] Cubosoa – slouree as larvey kioobagh oc Hydrosoa – hydraghyn Scyphosoa – slouree cadjin Staurosoa – slouree as gass oc Fir nagh vel nyn gnidarianyn, foddee: [2][3] Mycsosoa Polypodiosoa

She possan dy veiyn ushtagh eh Cnidaria, as mysh 9 000 dooie aynsyn, adsyn nyn gretooryn ny marrey son y chooid smoo. Ta cnidoctyeyn (killagyn guinney) yn ard-chowrey oc. Ta'n corp oc jeant dy vesoglea, gleihagh neuvio, eddyr daa vrat epithelium. Ta daa chummey kirpey oc: medusae snauee as pollypyn soit. Ta shimmeadraght raadeeoil ec y jees oc, as çhionnagyn as cnidoctyeyn oc mygeayrt y veeal oc. Ta un shamyr chorp oc, as ymmyd jeant jeh son lheie, keckey as tayrn ennal.

Ta cnidaria geddyn sliught gyn keintys. Ta çhymshal bea cramp oc, as keimyn myr pollyp neucheintyssagh as myr medusa keintyssagh oc dy cadjin.

Ta cnidaria gee cretooryn son y chooid smoo, veih plankton dys beiyn ymmodee keayrtyn ny smoo na ad hene. Ta kuse jeu beaghey er troar algey shimboshagh, as ta beggan sheadaneyn ayn. Ta beiyn elley gee adsyn, goaill stiagh crossagyn marrey, shilleeinyn marrey, eeastyn as shligganee marrey. Ta skerryn corralagh bun kuse dy vuill smoo troaragh ny cruinney, as coadey glasseraght ayns cryss tidee as slystyn noi strooyn as tidyn lajer. Cha nel corral ry-akin agh ayns ushtey çheh thanney ny marrey, agh ta cnidaria elley cummal ayns ushtey dowin, marrey ardoil, as ushtey millish.

Ta shiartanse dy chnidaria gaueagh da deiney, cubosoa er lheh.

1. ↑ Medusosoa rere The Taxonomicon - Taxon: Subphylum Medusozoa – 2007-07-10
2. ↑ Collins, A.G. (2002). "Phylogeny of Medusozoa and the Evolution of Cnidarian Life Cycles" (Baarle). Journal of Evolutionary Biology 15 (3): 418-432. doi:10.1046/j.1420-9101.2002.00403.x. Feddynit er 2008-11-27. 
3. ↑ Zrzavý, J. & Hypša, V. (2003). "Myxozoa, Polypodium, and the origin of the Bilateria: The phylogenetic position of "Endocnidozoa" in light of the rediscovery of Buddenbrockia" (Baarle). 'Cladistics' 19 (2): 164–169. doi:10.1111/j.1096-0031.2003.tb00305.x.