Back Vizegouverneur der Isle of Man German Lieutenant Governor of the Isle of Man English Luogotenente governatore dell'Isola di Man Italian Mans viseguvernør NB Gubernatorzy porucznicy Wyspy Man Polish Лейтенант-губернатор острова Мэн Russian Lieutenant Governor of the Isle of Man SIMPLE Isle of Mans viceguvernör Swedish 曼島副總督 Chinese
| Lhiass-chiannoort Vannin | |||||
|---|---|---|---|---|---|
|
|||||
| Shellooder | Richard Gozney (en)  | ||||
| Aarys | Thie yn Reiltys, Mannin | ||||
| Pointit ec | monark y Reeriaght Unnaneysit | ||||
| Reillys | Mannin | ||||
| Çheer | Reeriaght Unnaneysit | ||||
| Crooit | 1773 | ||||
| Ynnyd-eggey | gov.im… | ||||
She ynnydagh persoonagh Hiarn Vannin eh Lhiass-chiannoort Vannin ny Fo-chiannoort Vannin (Baarle: Lieutenant Governor of the Isle of Man). Myr shen, she ynnydagh Ard-Ree ny Reeriaght Unnaneysit t'ayn. Ta'n Lhiass-chiannoort er ny phointeil liorish barrant yn Ard-Ree, lesh coyrle Screeudeyr Steat son Cooishyn Bunraghtoil. Ta traa yn oik choud's saillish yn Ard-Ree, agh shen queig bleeantyn dy cadjin. Ta'n barrant soilshaghey y paart dy lheead as loayrt er feme y Lught Thie Reeoil as yn Ard-Ree yn chur er oaie, chammah's maynrys y theay.[1]
She E Ooilley-Niartallys y Reejerey Richard Gozney y Lhiass-chiannoort t'ayn, veih 27oo Boaldyn 2016.[1]
Haink Slattys Aaghreim Ellan Vannin 1765 lurg co-unnaneys Nalbin as Sostyn ayns 1707 as skeaylley ard-whaiyl ny h-Albey. Ayns 1800 cho-unnanee Bretyn Vooar as Nerin, lesh skeaylley ard-whaiyl ny h-Erin myrgeddin.[2]
Lesh creck parteeas Duke Atholl da'n Chrooin eddyr 1826 as 1829, v'ad jannoo eab Mannin y hayrn stiagh 'sy steat unnaneyssit noa. Agh va undinyssyn as cliaghtaghyn ard-whaiylagh ny h-ellan shassoo noi lheid y chaghlaa. Kyndagh rish shen, 'sy 19oo eash, ren y Reeriaght Unnaneyssit eab dy chur yn ellan fo corys reiltagh cadjin ny h-Ellanyn Goaldagh liorish caghlaa ny saaseyn coloinagh v'ayn er-e-hon.[2]
Va laue mooar ec paart y Lhiass-chiannoort 'syn eab, ga dy row Y Kiare as Feed shassoo noi, as shen ny smoo ny rieau lurg da çheet dy ve reiht ec y theay ayns 1867.[2]
Ayns 2004, choyrlee Bing ny Reillyn Bunraghtoil dy lhisagh ad aaenmys yn oik myr Barrantagh ny Benrein (Baarle: Queen's Commissioner) (ny Barrantagh ny Ree, King's Commissioner, rere feme) er y fa dy beagh yn ennym Lhiass-chiannoort/Lieutenant Governor "cur sleih çheumooie er lheh er shaghryn", bentyn rish pooar as currym y Lhiass-Chiannoort, as corys reiltagh Vannin.[2]
- ↑ a b Isle of Man Chief Secretary's Office. The Office of the Lieutenant Governor (Baarle). Feddynit er 2009-12-18.
- ↑ a b c d |First Report Of The Standing Committee On Constitutional Matters For The Session 2003-2004 (Baarle) (Jerrey Fouyir 2003). Reports Of The Standing Committee On Constitutional Matters. Feddynit er 2009-12-18. “...the title ‘Lieutenant Governor’ has a number of connotations which are not well suited to modern conditions. In particular, the title is becoming archaic and is capable of fostering a perception that the Island is not led by a democratically elected legislature and Government, but is under a system of administrative oversight exercised by the United Kingdom - which is plainly incorrect.... Although the constitutional changes of the latter part of the twentieth century have now reversed the majority of the developments of the nineteenth century, the forms and nomenclature associated with earlier periods have in some cases remained. In some circles, that might be viewed merely as anachronistic, but it is liable also to mislead external observers in particular and your Committee believe that the title ‘Lieutenant Governor’, used in the context of the Isle of Man, does so.”