Back Bucharèst ACE Бухарест ADY Boekarest Afrikaans Bukarest ALS ቡካረስት Amharic Bucarest AN بوخارست Arabic بوخاريست ARY بوخارست ARZ Bucarest AST
| swójske mjeno | Bucureşti | |
| ||
| Wopon | ||
|---|---|---|
| ||
| Zakładne daty | ||
| stat |  Rumunska
| |
| město | Bukarest | |
| wysokosć | 55–96 | |
| přestrjeń | 228 km² | |
| wobydlerstwo | 1.883.425 (2011) | |
| hustosć zasydlenja | 8.260,6 wob./km² | |
| předwólba | (+) 02 1 | |
| webstrona | pmb.ro | |
Bukarest (rumunsce Bucureşti) je stolica a z nimale 1,9 milionami wobydlerjow zdobom najwjetše město Rumunskeje a sedme najwjetše cyłeje Europskeje unije. Nadeńdźe so w južnym dźělu kraja we walachiskej runinje, južnje Karpatow a sewjernje Dunaja.
Po tym, zo bě w lěće 1659 doskónčnje narunał Târgoviște jako krajnu stolicu, wuwi so k politiskemu, hospodarskemu a kulturnemu srjedźišću Walachiskeje a pozdźišo Rumunskeje. Město je sydło wjacorych uniwersitow a druhich wysokich šulow, dźiwadłow, muzejow a dalšich kulturnych institucijow kaž tež parlamenta a knježerstwa Rumunskeje.
Měšćanska wysoka kultura a dominowacy francoski wliw w architekturje wunjeseštej městu přimjeno Micul Paris („Mały Paris“ abo tež „Paris wuchoda“). Pod knjejstwom komunistiskeho diktatora Nicolae Ceaușescu buchu pak na dobro monumentalnych twarjenjow historiske štwórće we wulkej měrje zničene.