Kaspar Peuker

Kaspar Peuker (* 6. januara 1525 w Budyšinje, † 25. septembra 1602 w Dessauwje) bě přichodny syn a wudawar spisow „wučerja Němskeje" Philippa Melanchthona we Wittenbergu, najwu­šeho sobuwojowarja reformatora dr. Mar­tina Luthera.

Peuker bě po cyłej Němskej wulce připóznaty humani­stiski uniwersitny wučenc druheje po­łojcy 16. lětstotka, kotryž bě medicinar, matematikar, astronom, wuběrny znajer stawiznow, teologije, geografije, filozofije a klasiskich rěčow. Wot 1553 do 1574 bě z profesorom a wjelelětnym rek­torom Wittenbergskeje uniwersity „Leucorea" a z dwórskim lěkarjom sak­skeho kurwjercha Awgusta I. kaž tež poz­dźišo Anhaltskeho wjercha Joachima Ernsta.