Wino

Wino je alkoholiski napoj ze z droždźemi předźěłaneje brěčki winowych jahodow. Jahody rostu w kićojtych pakićach na winowym pruće. Tute pochadźeja zwjetša wot europskeho dobreho winowca (Vitis vinifera subsp. vinifera), kotryž pak njeje rezistentny přećiwo winowej šmicy. Tohodla so na druhe družiny, kaž na př. brjohowy winowc (Vitis riparia, němsce Uferrebe), Vitis rupestris, wapnowy winowc (Vitis berlandieri, němsce Kalk-Rebe) a jich hybridy našćěpi.