De mulieribus claris

De mulieribus claris լատին․՝ De Mulieribus Claris
Հեղինակ	Ջովաննի Բոկաչչո
Տեսակ	գրական ստեղծագործություն
Ժանր	կենսագրական բառարան
Բնօրինակ լեզու	միջնադարյան լատիներեն
Ստեղծման տարեթիվ	1362
Երկիր	Իտալիա
Հրատարակման տարեթիվ	մոտ 14-րդ դար
De mulieribus claris Վիքիպահեստում

«De mulieribus claris», «De claris mulieribus» («Նշանավոր կանանց մասին»), իտալական Վերածննդի ականավոր ներկայացուցիչ, նորավեպերի հանրահայտ ժողովածուի՝ «Դեկամերոն» գրքի հեղինակ Ջովաննի Բոկաչչոյի (1313 - 1375) աշխատությունը, որի մեջ ամփոփված են 106 կանանց կենսագրություններ՝ սկսած մարդկության նախամայր Եվայից մինչև Նեապոլի թագուհի Իոաննան։ Արևմտյան գրականությունների պատմության մեջ դա առաջին ժողովածուն է, որն ամբողջությամբ նվիրված է բացառապես կանանց կենսագրություններին։ Ընդ որում՝ առաքինի գործերով ու արարքներով աչքի ընկած կանանց ոչ ծավալուն կենսագրականների կողքին հեղինակը տեղ է հատկացրել նաև արատավոր վարքուբարքի տեր կանանց հակիրճ կենսագրականներին։ Աշխատության առաջաբանում նա նշել է, որ ինքը այն հույսն է փայփայում, թե լավը ընդօրինակության կարժանանա, իսկ վատը կդատապարտվի ու կմերժվի ընթերցողների կողմից^[1]։

«De mulieribus claris»-ը գրված է լատիներեն^[2]։ Գիրքը չափազանց մեծ ժողովրդականություն է վայելել ու լայնորեն տարածվել հատկապես 14-16-րդ դարերում։

Բոկաչչոն պատրաստել է նաև նշանավոր այրերի կենսագրությունների ժողովածու՝ De Casibus Virorum Illustrium («Նշանավոր այրերի ճակատագրերը») խորագրով։ Նա խոստովանել է, որ նշանավոր անձանց կենսագրությունների վերոնշյալ երկու ժողովածուները կազմելիս ինքը ներշնչվել է Պետրարկայի De Viris Illustribus գրքից^[3]։

1. ↑ Boccaccio (2003), էջ. xii harv error: no target: CITEREFBoccaccio2003 (help)
2. ↑ Professor Giovanni Boccaccio, Джовани Бокачо, Giovanni Boccaccio De Mulieribus Claris. — Harvard University Press, 2001. — 572 с. — ISBN 978-0-674-00347-7
3. ↑ Boccaccio (2003), էջեր. xii, xv harv error: no target: CITEREFBoccaccio2003 (help)