Back Die with a Smile German Die with a Smile English Die with a Smile Spanish با لبخند بمیر Persian Die with a Smile French Die with a Smile HE Die with a Smile Hungarian Die with a Smile ID Die with a Smile Italian Die with a Smile Korean
| «Die with a Smile» | |||||
|---|---|---|---|---|---|
 | |||||
| Լեդի Գագայի և Բրունո Մարսի սինգլը | |||||
| Թողարկված | օգոստոսի 16, 2024 | ||||
| Ֆորմատ | CD, 7″ single?, Երաժշտության ներբեռնում և երաժշտական սթրիմինգ | ||||
| Ձայնագրված | 2024 | ||||
| Ժանր | Սոֆթ ռոք | ||||
| Տևողություն | 4:11 | ||||
| Լեյբլ | Interscope | ||||
| Պրոդյուսեր | Լեդի Գագա, Բրունո Մարս, Դերնեստ Էմիլ II, Էնդրյու Ուոթ, Ջեյմս Ֆաունլերոյ | ||||
| Լեդի Գագա ժամանակագրություն | |||||
|
|||||
| Բրունո Մարս ժամանակագրություն | |||||
|
|||||
«Die with a Smile» (հայերեն՝ Մեռնել ժպիտով), ամերիկացի երգիչներ Լեդի Գագայի և Բրունո Մարսի երգը։ Թողարկվել է 2024 թվականի օգոստոսի 16-ին Interscope Records-ի միջոցով։ Գագան և Մարսը գրել և արտադրել են երգը Դերնստի «D'Mile» Էմիլ II-ի, Էնդրյու Ուոթի և Ջեյմս Ֆաունթլերոյի հետ միասին։ Համագործակցությունը եղել է այն բանի արդյունք, որ Մարսը Գագային հրավիրել է իր ստուդիա, որտեղ նա աշխատել է նոր երաժշտության վրա: Մարսը նրան ներկայացրել է ընթացքի մեջ գտնվող երգը և դուետն ավարտել է երգի գրելու ու ձայնագրության աշխատանքները նույն օրը։ Երգում Գագան և Մարսը արտահայտում են սիրելիի հետ լինելու հզոր ցանկություն՝ ընդգծելով իրենց սիրո հրատապությունն ու խորությունը անորոշության և պոտենցիալ ավարտի դեպքում:
Երաժշտական առումով սոֆթ ռոք ուղղվածություն ունեցող երգը համեմատվել է Գագայի 2016 թվականի «Joanne» ալբոմի և 2018 թվականին թողարկված «Shallow» սինգլի, ինչպես նաև Մարսի և Անդերսոնի աշխատանքի հետ։ Մարսի և Դանիել Ռամոսի կողմից նկարահանված ուղեկցող երաժշտական տեսահոլովակը, որը ցույց է տալիս, որ երկու երգիչները կատարում են երգը ռետրո բեմի վրա միաժամանակ թողարկվել է երգի հետ: Երաժշտական քննադատները բարձր են գնահատել ինչպես երգիչների վոկալը, այնպես էլ քիմիան:
«Die with a Smile»-ը ներկայումս առաջադրված է «Տարվա երգ» և «Լավագույն փոփ դուետ/խմբային կատարում» անվանակարգերում «Գրեմմի» 67-րդ ամենամյա մրցանակաբաշխության ժամանակ: Այն նաև առևտրային հաջողություն է ունեցել՝ հասնելով մի շարք երկրների հիթ-շքերթների առաջին հորիզոնականին Բելգիայում, Հունաստանում, Իսլանդիայում, Հնդկաստանում, Ինդոնեզիայում, Իսրայելում, Լիբանանում, Լյուքսեմբուրգում, Մալայզիայում, Նիդեռլանդներում, Նոր Զելանդիայում, Նորվեգիայում, Ֆիլիպիններում, Պորտուգալիայում, Սինգապուրում, Հարավային Աֆրիկայում, Սուրինամում, Շվեյցարիայում և Արաբական Միացյալ Էմիրություններում։ Երգը ութ շաբաթ շարունակ զբաղեցրել է երկրորդ հորիզոնականը Միացյալ Նահանգներում և Միացյալ Թագավորությունում և գլխավորել է «Billboard Global 200» չարթը՝ դառնալով 2024 թվականին այդ հորիզոնականում ամենաերկարը մնացած երգը։