Back Empire State of Mind Bulgarian Empire State of Mind German Empire State of Mind English Empire State of Mind Spanish امپایر استیت آو مایند Persian Empire State of Mind Finnish Empire State of Mind French Empire State of Mind HE Empire State of Mind Italian エンパイア・ステイト・オブ・マインド Japanese
| «Empire State of Mind» | |||||
|---|---|---|---|---|---|
| Ջեյ Զիի, Ալիշա Քիզի սինգլը | |||||
| «The Blueprint 3» ալբոմից | |||||
| Թողարկված | 2009 թվականի հոկտեմբերի 20 | ||||
| Ֆորմատ | Թվային ներբեռնում | ||||
| Ձայնագրված | 2009 | ||||
| Ժանր | հիփ հոփ | ||||
| Տևողություն | 4:38 | ||||
| Լեյբլ | Atlantic Records | ||||
| Պրոդյուսեր | Al Shux | ||||
| Հորիզոնականները չարթերում | |||||
1 (ԱՄՆ Billboard Hot 100) | |||||
 Empire State of Mind
| |||||
| Ջեյ Զիի ժամանակագրություն | |||||
|
|||||
| Ալիշա Քիզի ժամանակագրություն | |||||
|
|||||
«Empire State of Mind», ամերիկացի ռեփեր Ջեյ Զիի 11-րդ ստուդիական ալբոմի` «The Blueprint 3»-ի երրորդ սինգլը։ Կատարվել է երգչուհի Ալիշա Քիզի հետ։ Երգում օգտագործվել է The Moments խմբի «Love on a Two-Way Street» երգից սեմփլ։ Երգում հիշատակվում են նաև NBA սուպերաստղեր Լեբրոն Ջեյմսը, Դուեյն Ուեյդը և Նյու Յորք Նիքս ու Բրուքլին Նեթս ակումբները, որոնց սեփականատերն է եղել Ջեյ Զին։
Սկզբնապես երգը գրել են Բրուքլինի բնակիչներ Անժելա Հանթը և Ժանետ Սյուուել Ուլեպիկը (Jnay), որոնք 2009 թվականի փետրվարին` իրենց ճամփորդության ընթացքում, կարոտում են տունը։ Մեկ ամիս անց նրանք երգն ուղարկել են Roc Nation` վերանայման, բայց երգն ստացել է բացասական արձագանքներ։ Չնայած դրան` հեղինակները EMI-ի առաջարկից հետո ուղարկել են Ջեյ Զիի երգը։ Ջեյ Զին երգը լսելուց անմիջապես հետո ձայնագրել է այն։
Թողարկումից անմիջապես հետո երգն առաջնելույթել է Billboard Hot 100-ում 50 համարի տակ` ավելի քան 40 000 ներբեռնումով հանդերձ։ Հաջորդ շաբաթվա ընթացքում երգը Hot Digital Songs-ում 23-րդ հորիզոնականից բարձրացել է առաջին հորիզոնական։ 2009 թվականի նոյեմբերի 28-ից երգը մեկ շաբաթ մնացել է Billboard Hot 100-ի առաջին հորիզոնականում։
Ջեյ Զին և Ալիշան երգը կատարել են MTV Video Music Awards 2009 և American Music Awards 2009 միջոցառումներում։ Բացի այդ, երգը հնչել է «Սեքսը մեծ քաղաքում 2», «Քայլ առաջ 3D», «Սևազգեստ մարդիկ 3» ֆիլմերում։
2010 թվականի հուլիսին ՅուԹյուբում հայտնվել է «Empire State of Mind» երգի պարոդիան` «Newport State of Mind» անվամբ, որը կատարել են Ալեքս Ուորենը (անգլ.՝ Alex Warren) և Թերեմա Ուեյնռայթը (անգլ.՝ Terema Wainwright): Այնտեղ Նյու Յորքի հետ նկարագրվում է Ուելսի հարավում գտնվող Նյուպորտ քաղաքը։ Երգի պարոդիան հավաքել է ավելի քան երկու միլիոն դիտում, իսկ երգը հնչել է BBC One ռադիոյի եթերում[1], բայց արդեն 2010 թվականի օգոստոսին այդ վիդեոն ջնջվել է` հեղինակային իրավունքների խախտման համար[2]։ 2012 թվականի փետրվարի 15-ին Էդ Շիրանը կատարել է «Empire State of Mind» երգի քավեր տարբերակը[3]։ 2012 թվականին բրիտանական «New Musical Express» ամսագիրը «Empire State of Mind» երգը ներառել է 2000-ական թվականների լավագույն 100 երգերի ցանկում[4]։
Ջեյ Զին և Ալիշա Քիզն այս երգի համար ստացել են «Գրեմմի»` «Լավագույն ռեփ/երգ համատեղ կատարման համար», և առաջադրվել են «Տարվա ձայնագրություն» անվանակարգում[5]։
- ↑ «Spoof 'Newport State of Mind' video becomes web hit» (անգլերեն). BBC. 2010 թ․ հուլիսի 24.
- ↑ «Newport State of Mind removed amid copyright claim» (անգլերեն). BBC. 2010 թ․ օգոստոսի 10.
- ↑ «Live Lounge Ed Sheeran» (անգլերեն). Radio 1 - BBC. 2012 թ․ փետրվարի 15.
- ↑ «100 Best Songs Of The 00s» (անգլերեն). NME. 2012 թ․ մայիսի 29.
- ↑ «2011 Grammy Award Winners - Pop and Rock» (անգլերեն). About, Inc. Արխիվացված է օրիգինալից 2015 թ․ սեպտեմբերի 6-ին. Վերցված է 2017 թ․ ապրիլի 8-ին.