Make It Happen

«Make It Happen»
Մրայա Քերիի սինգլը
«Emotions» ալբոմից
Թողարկված	4 ապրիլի, 1992
Ֆորմատ	CD, MC, 7", 12"
Ձայնագրված	1991
Ժանր	R&B, գոսպել
Տևողություն	5:08
Լեյբլ	Columbia
Մրայա Քերիի սինգլների ժամանակագրություն
«Can’t Let Go» (1991) «Make It Happen» (1991) «I’ll Be There» (1992)  «Make It Happen»

«Make It Happen», ամերիկացի երգչուհի Մրայա Քերիի երգը։ Որպես հեղինակ և պրոդյուսեր հանդես է եկել Մրայա Քերրին՝ C+C Music Factory խմբի երկու մասնակիցների՝ Դեյվիդ Քոուլի և Ռոբերտ Քլիվիլի մասնակցությամբ։ Երգը թողարկվել է որպես երգչուհի «Emotions» երկրորդ ստուդիական ալբոմի երրորդ սինգլ 1992 թվականի ապրիլի 4-ին։

Երգն արժանացել է երաժշտական քննադատների բարձր գնահատականին, որոնցից շատերը նշել են Քերիի աշխատանքը մի քանի երաժշտական ժանրերով, ինչպես նաև երգի անհատականացված քնարական բովանդակությունը։ Բացի քննադատական ճանաչումից, թրեքը հաջողություն է ունեցել ԱՄՆ-ում կոմերցիոն առումով, սակայն թույլ է իրեն դրսևորել միջազգային մակարդակում՝ համեմատած երգչուհու նախորդ սինգլների հետ։ Այն հասել է Billboard Hot 100 հիթ-շքերթի 5-րդ հորիզոնականին, ինչպես նաև զբաղեցրել է քառասուներորդ հորիզոնականը Billboard տարեկան ամփոփիչ չարթում։ Երգը հասել է յոթերորդ հորիզոնականին Կանադայում և քառասուներորդ հորիզոնականին Մեծ Բրիտանիայի և Ավստրալիայի հիթ-շքերթներում։

Երգի տեսահոլովակը նկարահանվել է եկեղեցում։ Գործողությունը տեղի է ունենում «Փրկենք մեր եկեղեցին» բարեգործական միջոցառման ժամանակ, որտեղ Քերին հանդես է գալիս որպես երգչախմբի մենակատար, եկեղեցու այցելուները պարում և ուրախանում են երգի ներքո։

Մրայան այս երգը կատարել է իր համերգային շրջագայություններից յուրաքանչյուրում, երգը ներառվել է նաև լավագույն հիթերի ժողովածուներում՝ Greatest Hits (2001), Playlist: The Very Best of Mariah Carey (2010) և The Essential Mariah Carey (2012)։