Back The Christmas Song Danish The Christmas Song German The Christmas Song English The Christmas Song Spanish آواز کریسمس Persian The Christmas Song French The Christmas Song ID The Christmas Song Italian ザ・クリスマス・ソング Japanese The Christmas Song Korean
| «The Christmas Song» | |
|---|---|
| The King Cole Trio?ի երգը | |
| Ձայնագրված | 1946 |
| Ժանր | սուրբծննդյան երգ |
| Լեզու | անգլերեն |
| Տևողություն | 3։10 |
| Հեղինակ | Robert Wells?[1] |
| Կոմպոզիտոր | Մել Թորմե |
«The Christmas Song» («Սուրբծննդյան երգ», կոչվում է նաև Chestnuts Roasting on an Open Fire), Մել Թորմեի սուրբծննդյան երգը Բոբ Ուելսի տեքստի հիման վրա, որը գրվել է 1945 թվականի հուլիսին։
Երգն սկսվում է ձմեռային տոների տիպիկ սեզոնի՝ կրակի վրա տապակած շագանակների, հնդկահավի, սառնամանիքի, տաք հագնված մարդկանց և երգչախմբի կողմից կատարվող սուրբծննդյան օրհներգերի նկարագրությամբ։ Այնուհետև տեքստը կենտրոնանում է Սանտա Կլաուսի առաջիկա ժամանման և «մեկից մինչև իննսուներկու տարեկան երեխաներին» ուղղված սուրբծննդյան բարեմաղթանքների վրա։
Ըստ Թորմեի հուշերի՝ երգը գրվել է ռեկորդային կարճ ժամանակում (45 րոպե) սարսափելի շոգին, և իրենք այն գրել են Ուելսի հետ, որպեսզի խուսափեն այդ շոգից։ Ոգեշնչման աղբյուր են ծառայել Ուելսի նոթատետրում ուրվագրված մի քանի տողեր[2]։ Երգը առաջին անգամ ձայնագրվել է 1946 թվականին Նեթ Քինգ Քոուլի եռյակի կողմից՝ Capitol լեյբլի հետ, նույն թվականի նոյեմբերին ընդգրկվել է հիթ-շքերթների առաջատարների թվում և մնացել յոթ շաբաթ[3]։ Հետագայում Քոուլը ձայնագրել է ևս երեք տարբերակ՝ ինչպես իր տրիոյի մասնակցությամբ, այնպես էլ առանձին։ 1961 թվականին թողարկված տարբերակը մնում է մինչ օրս ամենահայտնի տարբերակը։ «The Christmas Song»-ը դարձել է սևամորթ երգչի կատարմամբ առաջին տոնական ստանդարտը[2]։ 2018 թվականի վերջին սուրբծննդյան ներբեռնումները երգին թույլ են տվել առաջին անգամ ընդգրկվել «Բիլբորդի» լավագույն քսանյակում[4][5]։
Երգը բազմիցս ձայնագրել են նաև Մել Թորմեն, որն այն անվանել է իր «ռենտան», ինչպես նաև շատ այլ երգիչներ[6]։ 1974 թվականին երգը ներառվել Է «Գրեմմի» փառքի սրահում[7], իսկ 2006 թվականին կոմպոզիտորների, հեղինակների և հրատարակիչների ամերիկյան միությունը հաղորդել է, որ այն XXI դարի սկզբի ամենահանրաճանաչ տոնական հիթն է (ռադիոյում կատարումների թվով)[8]։
- ↑ ISWC-Net
- ↑ 2,0 2,1 Bill DeMain. (December 2006). «The Christmas Song». Performing Songwriter No. 96 (անգլերեն). Վերցված է 2018 թ․ ապրիլի 13-ին.
- ↑ The Christmas Song(անգլ.) Allmusic կայքում
- ↑ Billboard Staff (2019 թ․ հունվարի 5). «Billboard Hot 100 (The week of January 5, 2019)». Billboard. Վերցված է 3 января 2019-ին.
- ↑ Christmas Streaming Sends Nat King Cole and Mariah Carey to Billboard’s Top 10. nytimes.com
- ↑ Wook Kim. (Dec. 14, 2012). «Yule Laugh, Yule Cry: 10 Things You Didn't Know About Beloved Holiday Songs: "The Christmas Song"». Time (անգլերեն). Վերցված է 2018 թ․ ապրիլի 13-ին.
- ↑ GRAMMY Hall Of Fame Արխիվացված 2011-02-19 Wayback Machine (Grammy.org)
- ↑ «ASCAP Announces Top 25 Holiday Songs». The American Society of Composers, Authors and Publishers. 2006 թ․ նոյեմբերի 27. Արխիվացված է օրիգինալից 2008 թ․ դեկտեմբերի 21-ին. Վերցված է 2018 թ․ ապրիլի 13-ին.