Battalia de Kings Mountain

Le Battalia de Kings Mountain (Montania del rege), 7 octobre 1780, esseva un battalia importante del Revolution American, le qual conduceva al victoria ultime del Statos Unite in le anno sequente.

Le commandante del soldatos britannic del sud, general Charles Lord Cornwallis, post le captura del citate de Charleston de Carolina del Sud inviava major Patrick Ferguson con circa mille soldatos al west pro defender su latere leve in septembre 1780. Multe del soldatos esseva habitantes fidel al rege ma habeva poc experientia.

Le governamento de Anglaterra habeva prohibite citatanos del colonias de habitar le terra trans le montanias Appalachian pro un tractato con le nativos. Totevia le habitantes blanc continuava combatter con le nativos pro obtener lor terreno, e le politica del governamento britannic non placeva a illes. Dunque illes esseva preste a attaccar le soldatos britannic.

Circa 900 montanieros sub le colonnello William Campbell incontrava lor inimicos a Kings Mountain 7 octobre 1780. Le resultato esseva que le latere leve de Cornwallis esseva destruite. le montanieros perdeva 90 homines, le britannos 319 con le resto capturate. Ferguson esseva occidite.