Campo magnetic

Campo magnetic
subclasse de: field[*]
Commons: Magnetic fields

Un campo magnetic^[1] es un campo de fortia producite per movente cargas electric, per campos electric que varia in tempore, e per le 'intrinsec' campo magnetic de particulas elementari associate con le spin del particula. Il ha duo separate ma proximemente connexe campos al qual le nomine 'campo magnetic' pote referer: un magnetic B campo e un magnetic H campo (vide tabella). Le campo magnetic a un puncto es specificate per ambe un direction e un magnitude (o intensitate); ergo, illo es un campo vectorial.^[2] Le campo magnetic es le plus communmente definite in le terminos del fortia de Lorentz illo emplea sur movente cargas electric.

Le relation inter le campos magnetic e electric, e le currentes e cargas que create los, es describite per le equationes de Maxwell. In relativitate special, campos electric e magnetic es duo interconnexe aspectos de un singule objecto, appellate le tensor de campo electromagnetic; le aspecto del campo electromagnetic que es vidite como un campo magnetic es dependente sur le referentia inertial del observator. In physica quantic, le campo electromagnetic es quantisate e le interactiones electromagnetic resulta ab le excambio de photones.

Campos magnetic ha habite multe usos in societates ancian e moderne. Le Terra produce su proprie campo magnetic, que es importante in navigation proque le polo del nord de un bussola orienta verso le polo del sud de campo magnetic del Terra, locate proxime le polo del nord geographic del Terra. Rotante campos magnetic es utilisate in ambe motores electric e generatores. Fortias magnetic da information super le portatores cargic in un material per le effecto de Hall. Le interaction de campos magnetic in apparatos electric tal como transformatores es studiate in le disciplina de circuitos magnetic.

1. ↑ Derivation (in ordine alphabetic): (ca) Camp magnètic || (de) Magnetfeld || (en) Magnetic field || (es) Campo magnético || (fr) Champ magnétique || (it) Campo magnetico || (pt) Campo magnético || (ro) Câmp magnetic || (ru) Магнитное поле
2. ↑ Technicamente, un campo magnetic es un pseudovector; pseudovectores, que anque include torsion e velocitate rotational, es similar a vectores, preter que illos remane sin alteration quando le coordinates es invertite.
3. ↑ ^{3,0 3,1 3,2 3,3 3,4} Electromagnetics, by Rothwell and Cloud, p23
4. ↑ R.P. Feynman, R.B. Leighton, M. Sands, The Feynman Lectures on Physics, volume 2