Elementos de periodo 1

Un elemento de periodo 1 es un del elementos chimic in le prime rango (o periodo) del Tabella periodic del elementos. Le tabella periodic se presenta in rangos pro illustrar tendentias recurrente (periodic) in le conducta chimic del elementos a mesura que lor numeros atomic augmenta: un rango nove comencia quando le conducta chimic comencia a repeter se, lo que significa que elementos con conducta similar se alinea verticalmente in le mesme columnas. Le prime periodo pote esser explicate per theorias moderne de structura atomic. Secundo un description quantico-mechanic del structura atomic, iste periodo corresponde al plenamento del orbital 1s. Le elementos del periodo 1 obedi al regula de duetto in le senso que illos require duo electrones pro compler lor concha de valentia. Le numero maxime de electrones que iste elementos pote allogiar es duo, ambes in le orbital 1s. Ergo, periodo 1 pote haber solo duo elementos.