Back J.R.R. Tolkien Afrikaans J. R. R. Tolkien ALS ቶልኪየን Amharic J.R.R. Tolkien AN J. R. R. Tolkien ANG जे. आर. आर. टोल्कियन ANP جون رونالد تولكين Arabic جون رونالد رويل تولكين ARY جون رونالد تولكين ARZ John Ronald Reuel Tolkien AST
John Ronald Reuel Tolkien (Bloemfontein, Stato Libere de Orange le 3 de januario 1892 – Bournemouth, Hampshire, Anglaterra le 2 de septembre 1973) esseva un autor, poeta, e philologista anglese. Ille es cogniscite super toto como le autor del romances de phantasia, Le Hobbit e Le Senior del Anellos.
Tolkien nasceva in Bloemfontein, capital del Stato Libere de Orange (nunc Africa del Sud). Su familia migrava a Anglaterra post le morte de su patre, Arthur Tolkien, in 1896. Su matre moriva in 1904. A iste puncto in su vita, Francis Morgan se incarga de su cura e de su education. Jam al octo o novem annos de etate ille se interteneva inventante linguas. Ille studiava philologia anglese in le Universitate de Oxford, ubi ille se graduava in 1915 con honores.
Le annos ante le Prime Guerra Mundial, Tolkien comenciava crear linguas imaginari e le fundamentos altere de su proprie mundo phantastic le Terra Medie. Durante le guerra, ille luctava in Francia como officiero in le armea britannic. Un maladia sever le fortiava a resider in un hospital militar durante un longe periodo. Illac ille evadeva le tristessa del recuperation per expander le mythologia e crear nove historias heroic de un antiquitate fictitie.
Ille collaborava con le New English Dictionary. Ille occupava le cathedra de lingua anglese in le Universitate de Leeds e posteriormente in le Universitate de Oxford. Ille primarimente inseniava le anglosaxone e le anglese del vetere medievo, e attingeva un clar distinction academic malgrado su magre production de articulos e essayos scientific; ille placiava qualitate ante quantitate con bon resultatos. Su essayo Beowulf: The Monsters and the Critics super le qualitates particular del poema heroic anglosaxone Beowulf rapidemente deveniva classic pro le philologos del linguas germanic. Etiam su essayo "On Fairy-Stories", sur le ver importantia del literatura phantastic, recipeva grande laude ab le homines de litteras. (Vide sub "Altere obras" in basso.)
Le Hobbit, un historia in le mythologia del Terra Medie, esseva publicate in 1937 e deveniva un successo. Durante le annos subsequente, Tolkien creava un sequel que deveniva Le Senior de Anellos. Publicate in tres volumines in 1954-55, isto es considerate su obra maestral. Illo esseva un influentia major super fiction phantastic del decennios subsequente.
Doctor honoris causa per varie universitates (National de Irlanda, Oxford). Vicepresidente del Societate Philologic, membro del Societate Royal de Litteratura. In 1969, le regina Elisabeth II le donava le Cruce del Imperio Britannic.
Ille moriva le 2 de septembre 1973, 81 annos de etate.