Rugby a 15

Rugby a 15
instantia de: sports discipline[*]
subclasse de: Rugby
data de creation: 1823
Commons: Rugby union

Rugby a 15 o rugby union es le codice le plus popular e ben cognite de rugby; illo es sovente appellate simplemente rugby [rág-bi]. Illo es organisate officialmente in 115 paises. Rugby es un sport «full contact» jocate per duo equipas de dece-cinque jocatores qui disputa possession de un ballon oval que pote esser jocate sia per le mano sia per le pede. Le objectivo del joco es ganiar plus de punctos que le altere equipa per marcar essayos (tries) o goals.

Le plus alte competition international de rugby es le Cuppa del Mundo de Rugby, que ha loco tote le quatro annos depois 1987. Le Cuppa del Mundo de 2007 attraheva 2 240 000 spectatores e 4,2 milliardos de telespectatores.^[1] Altere competitiones international importante son le Torneo del Sex Nationes (hemispherio nord: Anglaterra, Francia, Galles, Irlanda, Italia e Scotia) e illo del Tri Nations (hemispherio sud: Africa del Sud, Australia e Nove Zelanda—le participation de Argentina es anticipate in 2012). Le International Rugby Board governa le joco depois su establimento in 1886 e publica le regulos de rugby a 15 e rugby a 7.

Equipas domestic disputa un grande quantitate de torneos professional o amateur. Le plus importante son, in le hemispherio nord, le Cuppa de Europa, le Aviva Premiership (in Anglaterra), le Top 14 (in Francia) e le Magners League (inter Galles, Irlanda, Scotia e recentemente Italia); e in le hemispherio sud, le Super 14, le Currie Cup (in Africa del Sud) e le ITM Cup (in Nove Zelanda).

1. ↑ Record de spectateurs Archived 2011-05-22 at the Wayback Machine. Recuperate le 31 de julio 2010. (francese)