Stoicismo

Stoicismo^[1] (del vocabulo grec Στωικισμός, derivate de στοά, "stoa", "colonnada") es un schola philosophic fundate per Zenon de Citio in Cypro circa 300 aEC. Le schola ha recipite iste nomine pro que su prime inseniatores in Athenas inseniava intra le stoa (colonnada) in le agora.

Le stoicos inseniava que le emotiones destructive resultava de errores de judicio, e que un sagio o persona con «perfection moral e intellectual» non suffrerea de iste emotiones. Illes predicava que personas debe controlar lor proprie emotiones per lor ration; assi, le morte mesme provocarea nihil ultra equanimitate.

Le stoicismo era un doctrina que superviveva tote le periodo del Grecia Antique usque al Imperio Roman, incluente le epocha del imperator Marco Aurelio. In le epocha de Ciceron, le stoicismo era un del quatro scholas principal al latere del epicurismo, del schola peripatetic e del academismo (scepticismo). Le stoicos se opponeva vigorosemente al doctrina de Epicuro como incompatibile al lore, ma entrava in un dialogo productive con le peripateticos e le academicos. Le stoicos professava admiration pro Platon, Socrates, Heraclito e Pythagoras.

Le stoicismo se eclipsava a profito del neoplatonismo in le seculos 3 e 4; in mesme tempore, le christianismo ganiava influentia. Tote le scholas philosophic era clause in 529 per ordine del imperator Justiniano I, qui percipeva su characteristicas pagan como contrarie al fide christian.

1. ↑ Derivation: Entitates: 1. (it) Stoicismo || 2. (es) Estoicismo || (pt) Estoicismo || 3. (fr) Stoïcisme || 4. (en) Stoicism || Controlo: (de) Stoa || (ru) Стоицизм || - (Extra): (la) Placita Stoicorum