Tecumseh

Tecumseh (1768-1813) esseva un conductor e parlator de nativos american.

Tecumseh nasceva 1768 al riviero Scioto al village Piqua (in Ohio presente) de nativos american Shawnee. Un meteoro brillava trans le celo al die de su nascentia, donante al ille su nomine. Ille comenciava a combatter con statouniteses al etate de 12.

Tecumseh credeva que le Statos Unite voleva vincer tote terra del nativos. Un parlator bon, ille essayava de unir altere populos de nativos contra le blancos. Ille esseva assistite per su fratre Tenskwatawa, anque nominate "le Propheta". Tenskwatawa comenciava un nove village juxta le riviera Tippecanoe, nominate "le Village del Propheta".

Tecumseh viagiava al area de Alabama presente in 1811 pro persuader altere populos native combatter con le statouniteses. Ille promitteva un meravilia. Quando ille veniva, un meteoro esseva vidite. Post ille partiva, il habeva un tremor de terra. Isto con victorias previe de Tecumseh les persuadeva que ille deberea esser lor conductor. Le general statouniteses William Henry Harrison destrueva le village de Teskwatawa durante le Battalia de Tippecanoe.

Durante le Guerra american de 1812 Tecumseh se univa con le britannos. Ille adjutava soldatos britannic capturar le forte statounitese de Detroit. Le general anglese promitteva de adjutar un fortia de nativos diverse sub le commando de Tecumseh. Harrison incontrava le nativos al riviera Thames de Canada. Le statouniteses vinceva, e soldatos britannic non poteva venir pro adjutar le nativos. Tecumseh esseva occidite in le battalia.

Tecumseh es memorate per nativos e blancos pro su braveria e su compassion a prisioneros a iste die.