Union de Kalmar

Union de Kalmar
Nomine native	Kalmarunionen
Classe	stato preterite[*], personal union[*], regno[*], confederation[*], dynastic union[*]
Capital	Copenhagen, Roskilde, Stockholm, Uppsala, Oslo
Population	4 000 000
Coordinatas	55°40'0"N, 12°34'0"E
Wikimedia Commons Category Kalmar Union

Le union de Kalmar esseva un union inter le monarchias Danmark, Norvegia e Svedia que esseva fundate 1397 e durava usque a 1523. Le union includeva tamben Finlandia, Islanda, Groenlandia, le Insulas Faroe, le Insulas Orkney e le Insulas Shetland. Quando Svedia quitava le union Danmark e Norvegia restava in union usque a 1814, ma con alterationes considerabile 1536. Le union esseva fundate in Kalmar 1397 ubi le nobilitate del tres paises esseva assemblate pro coronar Erik como rege del tres paises. Le lettera del union de iste incontro es preservate e historicos ha opiniones differente concernente le interpretation de iste lettera. Ma de facto le tres paises esseva governate per un monarcha e Erik esseva succedite per Kristofer de Bavaria. Quando ille subito moriva in januario 1448 il non habeva alcun successor predestinate e Danmark e Svedia eligeva cata uno su proprie rege. Il durava usque a 1457 ante que le tres paises de novo esseva governate per le mesme rege, Kristian I. Ma solmente durante curte tempore proque le successores Hans e Kristian II governava Svedia solmente durante curte periodos. Totevia le union esseva un alternativa politic in Svedia durante tote le tempore usque al election de Gustav Vasa 1523. Secundo plure historicos le union esseva create pro contrabalanciar le expansion verso le nord per le Hanse, le Ordine German e certe principes in Germania del nord. Le Union de Kalmar totevia mancava poter de legislation federal dunque illo non esseva un stato federal ma plus tosto un union personal.