Wikipedia:Manual de stilo

Iste pagina documenta un directiva de Wikipedia in interlingua.

Iste directiva es generalmente acceptate per le communitate, e deberea esser observate. Nonobstante, rememora applicar le senso commun e que il pote occasionalmente haber exceptiones.

Wikipedia es un encyclopedia, e per iste ration il debe haber un manual pro standardisar su stilo de redaction. Scriber observante iste manual adjuta a levar le qualitate del contento de iste encyclopedia. Le scopo de iste manual non es dar normas pro le uso correcte de interlingua; in facto, infra on specifica que Wikipedia observara le normas del Union Mundial pro Interlingua. Le scopo de iste manual es dar normas super le formato e le stilo del redaction del texto, e super altere cosas utile in le articulos (formulas mathematic, imagines, etc.). Rememora: il pote occasionalmente haber exceptiones.