Wikipedia:Wikipedista

Un wikipedista o wikipediano, etiam redactor o usator, es un membro del communitate de Wikipedia, in general un contributor frequente, a differentia del lectores qui simplemente lege le articulos. Omnes (mesmo tu) pote devenir wikipediano simplemente per adoptar un attitude de valentia e facer le modificationes necessari pro meliorar un pagina.

Le wikipedianos face un grande varietate de labor, como facer corriger errores linguistic, disfacer vandalismo, resolver disputas, e verificar e perfectionar le articulos. Omnes es unite in le desiro de render le cognoscentia human disponibile pro cata persona sur le planeta.

Wikipedia in interlingua actualmente ha 53 456^[1] usatores registrate (un numero que include multe contos global create automaticamente in iste sito al momento de prime visita). Solmente un minoritate de iste usatores contribue frequentemente; 39^[2] ha facite un modification in le ultime 30 dies. De iste contributores active, solmente un minoritate participa al discussion communitari. Un numero incognite de personas sin conto etiam contribue al sito.

1. ↑ Iste numero es actualisate dynamicamente con le parola magic NUMBEROFUSERS
2. ↑ Iste numero es actualisate dynamicamente con le parola magic NUMBEROFACTIVEUSERS